fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Arthur Dowers: Auto nobo y biahamento pa Ministernan y medida pa pueblo

Sin duda algun e gobierno di PORMEPRED ta bay den historia como e gobierno cu den un tempo asina cortico, a impone medida riba pueblo, sin cu sikiera un decision a wordo tuma cu ta sirbi interes di pueblo.

Esaki miembro di fraccion di AVP, sr Arthur Dowers a trece dilanti relaciona cu e pakete di medida cu gobierno a anuncia diahuebs ultimo, caminda BBO lo wordo aumenta te na 6% loke ta bay nifica un peso grandi pa pueblo.

“Ningun hende ainda por compronde con un gobierno cu durante di campaña electoral a sigura pueblo cu nan tin solucion pa tur cos, solucion pa e situacion financiero, solucion pa edad di pensioen, solucion pa problemanan social y criminalidad, ta ehecuta como su prome obra pa pueblo, un pakete di medida cu a sacudi nos comunidad.

Un gobierno cu despues di mas di 120 dia den gobernacion ainda no a produci un programa di gobernacion, no a presenta un plan di maneho di finansa y plan di maneho economico, ta dicidi  cu medida ta e unico solucion cu e por duna pueblo na e momentonan aki.

Nos no ta mira ningun caminda e esfuerso cu ta wordo haci pa gabinete Wever Croes pa reduci gasto di personal, ningun hende sa ainda kico ta bay pasa cu un serie di promesa cu partido MEP y otro nan di e coalicion a priminti pueblo, pero un cos ta sigura, pueblo tin cu bay paga pa un gobierno cu no tin direccion, un gobierno cu no tin vision y un gobierno cu simplemente a caba di confirma cu su maneho lo no ta dirigi pa sirbi interes di nos pueblo.

Na 2009 ora cu gabinete Mike Eman a tuma over un pais den un desaster financiero for di ocho aña di gobernacion di partido MEP, un e prome decisionnan cu a wordo tuma, tabata di  yuda esunnan mas debil den comunidad, cu entre otro un’reparatietoeslag,’ nos a aumenta ‘bijstaand’ y a aumentando salario minimo y  duna un ‘schoolkindertoeslag’ pa muchanan di famia den ‘bijstaand’ ya cu na e momentonan ey, necesidad di pueblo ta bin na prome luga.

E gran diferencia na e momentonan aki ta e hecho cu ya caba Ministernan tur ta coriendo den autonan luhoso y nobo, cu a ser busca den e prome dos siman den gobernacion y ora nos tuma nota di e  cantidad di biahenan cu ministernan di e gobierno aki a haci caba pa exterior, ta increibel cu nan por tribi di bin bisa pueblo cu sonrisa riba nan cara, cu medida ta na caminda.

Den e grupo cu a bin dilanti pa duna pueblo su regalo tabatin e minister scorpion cu  den pasado nunca e forma parti di un pakete di medida asina salvahe manera ta e caso awor aki y tur e noticia malo aki ta wordo anuncia na momento cu Minister Plentipotenciario na Hulanda, ta manda potret pa mustra con e ta brinda cu kelki di champaña riba  custia di pueblo.

Gobierno mes ta celebrando na grandi, c’un grupo grandi cu a biaha pa Hulanda pa celebra Arubadag pa despues trata di convence pueblo cu nan ta esunnan cu mester haci sacrificio ya cu e gobierno aki no tin plan di maneho, no tin plan di maneho financiero, sigura no ora un Prome Minister cu den 8 aña no a haci algo drechi pa su pueblo, awor ta actua den e forma aki pa falta di capacidad y conocemento di kico ta gobernacion pa pueblo.

Ya caba e promesa di baha prijs di gasolin a wordo benta un banda, baha prijs di awa  y coriente den100 dia mesun cos, baha gasto di  gobierno dor di goberna cu solamente 7 minister, tampoco a wordo cumpli y asina por sigui menciona un serie di asuntonan mas cu gobierno di MEP no a cumpli cu su promesanan haci durante di campaña,” Parlamentario Arthur Dowers a mustra.

 

 

Leave a Reply

Your email address will not be published. Required fields are marked *