Diamars anochi 16 di november pa 7’or na YMCA, San Nicolas tin un anochi di información pa majornan cu muchanan special. Tema di e anochi ta e proposición pa introduci un judansa financiero pa majornan cu muchanan special bao di 16 anja.   

E miembronan di Parlamento mr. Mike Eman y sra. drs. Melvin Wyatt-Ras, a entrega na Presidente di Parlmento, mr. Edgar Vrolijk un proposicion pa amplia e ley di ayudo financiero pa un persona cu un handicap (gehandicaptenuitkering). E iniciativa di ley ta pa majornan di muchanan bou di 16 aña tambe por bini na remarca pa ayudo aki. Awor aki e ley ta duna e posibilidad solamente pa un persona riba e edad di 16 aña. E proposición di Eman-Wyatt-Ras ta pa majornan di muchanan bao di 16 anja tambe bin na remarca.    

Durante e anochi aki e miembronan di Parlamento lo splica con nan proposición ta hinca den otro y scucha di majornan riba e gastonan adicional cu nan tin. E suma di e ayudo financiero, segun e proposicion di Eman/Wyatt-Ras, mester ta mescos cu e suma actual pa ayudo financiero pa hende cu handicap den articulo 8 di e ley. Esta Afl. 950,=. Loke ta determina e suma di e ayudo financiero aki ta cu mester tin gastonan necesario cu ta resulta for di e condicion special individual di e mucha special. Pesey ta importante pa scucha di majornan.