“Si nos analisa e termino durante cual e colegio di supervision financiero temporal pa pais Aruba a nace y si compara esaki cu e CFT cu tin na Sint Maarten y Corsou por conclui cu CAFT ta un organo local cu ta supervisa normanan di presupuesto cu nos mes a stipula.

Mirando atras nos por bisa cu nos a sa di cumpli cu e normanan den e situacionnan di mas dificil cu por tabatin

E fondonan di pensioen cu tabata na rand di bancarota y retonan financiero grandi cu no a wordo atendi cu nan. Asina mes nos a traha y reduci e deficit di 9.4% pa 0.5% den un periodo relativamente corto di 4 aña.

Tabatin fondonan di pensioen cu tabata na rand di bancarota, retonan financiero grandi, no cu a wordo laga atras pero asina mes nos a traha y reduci e deficit di 9.4% pa 0.5% cu ta mas cu 150 miyon cada aña.

Na final di aña 2017 nos a na un punto caminda gastonan ta wordo aumenta innecesariamente, manera ya mi a menciona na diferente ocasion, manera e transferencianan cu mester a bin for di Refineria di Aruba pa Land Aruba y cu no tin nada di haber cu CITGO, ya cu ta fondonan cu Valero a paga e tempo ey y tambe e adkisicion di refineria di Aruba pa fuel marketing & supply, cu a wordo geparkeerd tanten bou di RDA temporalmente.

 

A presenta un asina yama deficit di AZV mientras cu ainda no a mira e cuentanan anual pa mira si di berdad tin un deficit di AZV.

Pues por mira cu na 2017 e deficit a wordo aumenta grandemente di forma artificial. No obstante esey e presupuesto 2018 cu gobierno a presenta riba insitencia di CAFT un presupuesto cu ta yega at least bou di e norma di e aña anterior. Presupuesto 2018 ta conta awor cu un deficit di 150 miyon florin cu ta net 5 miyon florin menos cu aña pasa.

Un desaroyo asina ta lamentabel ya cu e deficit di e aña aki ta un norma cu nos a alcansa caba na aña 2016. Loke nos ta haya mas curioso y ironico ta cu gobierno ta haya un espacio financiero enorme pa por ehecuta su maneho den e siguiente añanan.

E diferencia entre un deficit di -3% y +0.5% ta 175 miyon florin sin conta e deficit adicional di 130 miyon florin di aña 2017 cu eigenlijk tin cu wordo compensa na 2018. Nos ta papiando riba di un aumento di e debe nacional cu casi 300 miyon di florin y ademas di esaki ta introduci un medida manera e aumento di BBO  y BAZV sin por logra di yega  ni cerca di e norma cu a wordo palabra pa 2018. E Financieel-Economisch Memorandum, FEM 2018-2021,  ta confirma nos esaki.

 

E normanan cu nos a palabra cu CAFT tabata hustamente pa cuminsa cu reduccion di debe  desde 2017 y cu e surplus di 2018. Aunke cu partidonan den gobierno actual a usa e quota di debe como arma durante campaña electoral, a opta conscientemente pa pospone esaki.

Tanten cu bo tin un deficit, no por reduci bo debe. Na momento cu bo deficit disminui y yega na un surplus, bo por cuminsa aloca e fondonan ey pa reduci e debe. Loke nos ta mirando aworaki den e cuadro financiero 2018-2021 presenta, no solamente ta crea un espacio financiero basta amplio pa por goberna, pero na mes momento ta hiba un maneho financiero cu lo percura pa e debe sigui aumenta den e proximo tres pa cuater aña,” Parlamentario Richard Arends ta declara