fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 A presenta e mesun plan economico cu AVP a laga atras

Fraccion di AVP den Parlamento a tuma nota di e conseho di CFT pa loke ta trata presupuesto 2019 cu ta indica cu e deficit ta wordo cubri door di e crisisheffing y dividendonan ta cubri mientras cu gastonan ta sigui subi cu sigur un 30 miyon. Parlamentario di Fraccion AVP, mr. drs. Richard Arends a señala cu pueblo y empresa ta esun cu ta paga e crisisheffing. Empresanan mediano y chikito ta esunan mas afecta p’e crisisheffing como cu nan gasto di hasi negoshi a aumenta y e margen di ganashi a baha drastiscamente.

 

Diariamente ta yega mensahenan cerca Partido AVP cu empresanan ta cera of ta manda hende cas. E plan economico cu Minister di Asuntonan Economico a presenta ta basa riba e mesun concepto di topsectornan cu nos a laga atras, segun Parlamentario Arends. A djies cambia e nomber y a presenta e concepto un biaha mas sin ningun instrumento of sosten pa e empresario local. E crisisheffing a asota grandemente e poder di compra di ciudadanonan, pero tambe competitividad di nos empresanan, specialmente empresanan mediano y chikito. E hecho aki ta afecto e confiansa di nos empresnan den e pronosticonan di futuro. 

 

Loke cu falta den e plan economico ta instrumentonan con pa haci e transicion pa un economia nobo: un economia di innovacion y un economia mas inclusivo. Coordinacion di proceso ta esencial den esaki. Parlamentario Arends sa cu tin hopi proceso ora ta trata establece un negoshi of ora tin negoshi caba, tin hopi proceso cu mester wordo encamia. Fraccion di AVP ta haya falta di tambe di iniciativanan pa mas acceso na capital y conocemento. Esakinan ta un parti esencial pa empresanan mediano y chikito cu ta weso di lomba di nos economia. 

 

Loke cu nos a tende ta e mesun iniciativanan cu e gabinete anterior a laga atras, segun Parlamentario Arends, pero sin ningun coneccion cu e parti turistico y energetico y sin incentivo pa empresnan mediano y chikito, trahadornan independiente y inversionistanan local. Loke cu mester aworaki ta confiansa den e economia di Aruba, mescos cu a haci esaki anteriormente. Confiansa den economia, mester por jump-start nos economia y mantene e poder di compra, el a indica. Rol di gobierno ta esencial como iniciador di inversionan publico.

 

Fraccion di AVP  ta spera cu e gobierno tuma esaki no como un critica, pero mas bien como un aporte pa mehora e maneho economico di Aruba. Un maneho economico saludabel, un maneho economico inclusivo cu ta brinda confiansa ta garantisa bon finansas publico.. Esaki ta traduci su mes den un bon maneho pa loke ta trata infrastructura y di areanan publico, un bon maneho di educacion, siguridad, salubridad y tambe calidad id bida di nos hendenan. Ta sumamente esencial pa tin un economia saludabel, un economia cu confiansa cu ta traduci den beneficionan pa pueblo y comercio.

Leave a Reply

Your email address will not be published. Required fields are marked *