Mi a tuma nota di un practica standard di partido MEP ora nan ta den gobierno. Cada bes cu un hende of grupo no ta di acuerdo cu nan ponencia of nan accion (medida) e partido ta responde cu atake nan personal pa purba atacha e bon nomber of reputación di otro nan.

Historia ta ripiti. Na 2007 politico nan di MEP a ataka e directernan di WEB y Elmar y a publica e salario nan di trahador nan di  ambos compania. E meta di esaki tabata y ainda ta pa pone trahador nan di NV’s y ambtenaren den mal bista cu comunidad. 

Esaki ta loke ta sosediendo na WEB Aruba N.V. awor aki. Ultimo dos siman ta “lek” informacion tocante supuesto mal maneho pa asina pone pueblo en contra di e director nan. Asina ora nan kita nan pueblo lo no exigi clarificacion di un decision asina drastico.

E directornan no a sigui e mandato di Utilities cu ta en contra di principio di bon gobernacion. E directornan ta “hoofdelijk y persoonlijk” aansprakelijk pa e decision nan cu nan tuma cu ta of por perhudica e compania. Esaki ta e mensahenan cu a laga ventila pa crea base pa core cu e directornan. 

Di locual mi por a distila te awor aki (leasando diferente medio nan di comuniccion y loke ta “common knowledge”) ta lo siguiente:

• Utilities no ta contento cu e directornan  ta operando independiente di politica y na bienestar di WEB Aruba NV y pueblo di Aruba.
• Utilities no ta contento cu WEB no a sigui nan opdracht di bai cu otro compania pa cu phase 4. WEB a opta sigui cu e compania Wartsilla pa fase 4. 
• Utilities no ta contento cu e directornan riba peticion di sindicato y trahadornan a preferea di negosha e inhouding di salario na lugar di impone esaki. By the way otro compania y sindicatonan a haci net esey. Pero ey no ta busca pa bula cabez. 
• Utilities no ta contento cu e directornan ta negoshando cu Eagle LNG loke ta na bienestar di WEB y Pueblo di Aruba. Esaki probablemente ta strobando nan agendo y interesnan ajeno cu nan kier sirbi.

Segun Utilities e dos directeurnan ta culpabel di mal maneho cu lo a costa WEB y Aruba hopi placa of a stroba WEB y/of pueblo di Aruba di spaar placa (baha price di awa y coriente).
E dos directornan segun Utilities a resulta di ta incompetente pero toch ta bai over na paga nan probablemente sumanan cuantioso pa nan bai. Y esaki mientras ta pidi trahadornan entrega pasobra e situacion na Aruba ta hopi delicado. 

Ta pinta e e trahadornan di e compania estatal y ambtenaren como abusadornan (sinberguensa) cu ta gana hopi placa y no ta “care” pa otro nan. 

Con por justifica e deroche di placa aki djis pa haya control di e maneho diario operacional di e compania. Ta paga asina hopi placa pa kita e directornan di nan posicion pa asina Utility/RDA mes por negosha cu Eagle LNG e contract cu ta combini otronan cu no ta WEB Aruba NV y su donjo cu ta pueblo di Aruba?

Pueblo corda cu a nos ta donjo di tur locual ta di pais Aruba. No ta e politiconan, ni nan amigonan cu nan nombra pa sirbi nan interes personal (nepotismo). Ta pueblo ta donjo di WEB, Elmar, RDA, Setar, Serlimar, RWZI, ATA y tur nan assets (propiedad y placa).

MEP y RAIZ ta sigui cu e maneho di nepotismo cu pueblo kier a para. Durante eleccion a grita cambio y nos ta diferente pero despues di eleccion nos ta ripara cu nada a cambia. “Nos no ta nan” a bira nos cu nan pa nos mes ! Pueblo por sigui sufri.