Ayera dia 3 di juni 2020 den reunion publico a trata un carta di secretario di estado Raymond W. Knops fecha dia 19 di mei 2020. Den e carta aki e ta informa Gobierno encuanto e decision di RMR di 15 di mei 2020 pa loke ta trata sosten financiero enconeccion cu COVID 19. 

Den e carta ta stipula cu Aruba lo por haya un fiansa sin interes di 113.3 miyon florin. Cu 63.9 miyon lo ser otorga y cu e resto 49.4 miyon lo ta disponible si Aruba cumpli cu diferente condicionnan. Minister Knops ta menciona alabes cu ya caba Aruba a laga sa, esta prome cu dia 19 di mei cu e carta a sali cu e la bai di acuerdo cucondicionnan di Hulanda.

Esaki ta di lamenta paso na ningun momento gobierno no a consulta cu Parlamento. Contrario na Corsou y St Maarten cu si a consulta debidamente cu nan respectivo parlamentonan. 

Esaki ta un ehempel bibo di intransparencia di e gobierno aki y di nan mentalidad di skonde cos paParlamento y pa Pueblo. 

Den e carta ta indica cu “solidariteit moet wel twee kanten opwerken. Het vraagt ook dat de Caribische landen noodzakelijk hervormingen sneldoorvoeren”. 

Minister di finanzas, awe tin cu baha su toontjebasta lager paso ela acepta y baha cabez. Tambe ela acepta contenido di e carta den cualsecretario di Estado Knops ta indica cu “de landen hun eigen autonomie niet kunnendragen”. 

Esaki ta conta tambe pa e minster encarga cuasuntonan general cu awe ta bai di acuerdo cu Hulanda perhudicando nos pueblo. 

Awe pues Gobierno a ser yama dor di parlamentota bin splica loke ya caba nan a tuma decision y acepta di Hulanda dia bieuw.

E reunion aki pues ta manera “mosterd na de maaltijd”. 

Parlamento ta hay’e confronta cu un”voldongen feit”. Nos no tin nada di bisa. Pues parlamentarionan di coalicion tey voor spek en bonen pa nan gobierno. 

Pakico? Probablememte paso gobierno ta kere cu e parlamentarionan di Mep Por y Red cu ta sostene, tog lo stempel loke dicidi. 

E forma di proceder di gobierno ta refleha no solamente intransparencia pero tambe un falta di respet grandi pa e organo di mas halto di paisAruba. Ademas e ta un falta di respet pa nos pueblo paso nos 21 miembronan ta representa nos pueblo. 

COVID 19 a trece diferente retonan cun’e. Nos país a ser confronta cu 101 caso di cual 3 persona a fayece. Tambe 37.000 tata y mama di famia a perde empleo dor di cual no por pone pan ariba mesa di nan yiunan. Aki a surgi e reto pagobierno pa den consulta cu pueblo y ambtenaaryega na cierto decisionnan. Nos como parlamento a entrega e.o. 25%. Sin embargo gobierno no atrata sindicatonan ni trahadornan na un manera drechi. 

A pasa sindicatonan pa loke trata e discusionencuanto 12.5% un “fast ball”. No a informa ofcontesta nan carta. Gobierno a core bai informa Hulanda cu empleadonan Publico lo entrega 12.5%.

Ora sindicatonan a sali pa nan derecho y manda un carta pa Hulanda cu nan no ta di acuerdo, Gobierno a rabia y a manda hende yamasindicato pa egoista y otro nombernan. 

Maestronan tambe a ser trata malo. Tras di nanlomba kier trece yen di cambio den enseñanza sin consulta cu nan. Awor cu nan a demostra a dicididi habri skol sin ta cumpli cu randvoorwaardenstipula dor di crisisteam COVID. Y a bisa nan culo dialoga pero riba implementación di decisionnan ya tuma. 

Por remarca cu ni COVID 19 ta scapa nos pueblo di politiconan sin respet ni stimacion pa nos hendenan. Politiconan cu ta acepta tur cos di Hulanda basta nan haya placa pa sigui paga nanluho, djodjo y mantene tur nan entourage y nancoordinadornan y otronan rond di nan manera politiconan di antes, tur cu ta gana schat di placa. 

Ta fresco den nos memoria con esnan cu taminister awor den e sala aki mes ora nan tabatamiembro di Parlamento tabata a grita den voz halto cu tin mega debe. 

Nan a hiba rapport pa Hulanda pa keha riba gobierno anterior. Nan yoradera a conduci cuawor nos tin CFT. 

Pero berdad semper ta encontra mentira. Banco Central despues a publica cu nos debe tabatahopi mas abou di loke nan a gana Hulanda. 

Pero e tempo ey e actual ministernan a keda hibakeho pa Hulanda y awe e opstel cu nan a skirbi di mala fe titula “feestvierend ten onder gaan” taconta pa nan mes. 

Loke nan no a spera a pasa. E cuchuw a corta tur dos banda. Pasobra Dios no ta drumi. 

Awor ta nan mes a haya nan mes confronta culoke nan a crea. Gobierno di AVP a cumpli cunorman indica. Esey den contesta di gobierno naCFT fecha 14 januari 2020 nan mes ta admiti.

CFT tabatin confiansa den gobierno anterior sin embargo CFT, ni Knops, ni RMR, ni parlamentarionan hulandes incluyendo nan amigo Bosman no tin confiansa den e gobierno aki. 

Den e carta cu nos ta trata awe por lesa. Relatana e solidariteitssteun ta bisa cu: “Tegelijkertijd moeten we scherp houden met wie die solidariteit beoogd is”. Un tiki mas leu “Daarom moet de nederlandse steun terecht bij die inwoners en bedrijven die het nu het hardst nodig hebben”. Cu otro palabra e steun no por ta pa Friends and family. 

Y den e carta aki ta bisa Aruba pa ehecutadiferente medidanan

Banda di esaki lo mester bin medidananstructural. 

Pues tin mas mal noticia ta spera nos. 

Awor e gobierno aki cu tanto a critica Mike Emany bisa cu el a bebe ensure awor nan mes lo a bebe kizas awa di gracht?Paso awor si a tuma y manda abou na rudia y acepta loke Hulanda a dicta Aruba pa haci.

Ta Evelyn Wever Croes y Xiomara Ruiz Maduro tareal and deal cu nos futuro y di nos futuro generacion pa hinca nos den debe eterno cuHulanda. Awor pues no ta mega debe sino debe eterno. 

Pa haya mas sosten financiero pa periodo desde 1 di juli Rijksministerraad lo toets of evalua si tacumpli cu e condicionnan cu Hulanda a stipula. Pa cada debchi pues cu lo usa lo bai evalua si esaki a bai bon of no. Kiermeen e minfin y minAZa hinca nos y nos futuro generacion awor den dependencia total di Hulanda. Hasta a bai asina leu cu Hulanda lo tin un entidad na nos isla pa controla gobierno su maneho financiero diario, claramente no tin confiansa den nos ministernan. Aki si por papia di entrega di nos autonomia. Tur loke nos antepasadonan a lucha p’e dos senjoranan a entreg’e. Anto e toontjedi e ministernan mester mester bira mas lager. Paso cu Hulanda si e ta “Ja amen”, mientras cu Semper nos a boga pa gelijkwaardigheidden Reino. Pa loke ta trata fase ta di lamenta cu te ainda di e 37.000 trahado solamente 8000 a haya yudansa.