Parlamentario Arends-Reyes a duna di conoce cu gobierno di Mep-Por-Red a decreta e aña 2020 como aña di Enseñansa. Segun Parlamentario Arends-Reyes esaki ta net bon mirando cu den aña 2018 y 2019 ta hopi desapunto tawata tin den e mundo di Enseñansa pa motibo cu gobierno no a follow-up cu e palabracionan y hopi biaha por bisa cu nada cu a pidi no a concretisa, ni cita tin grupo di maestro no por haña cu mandatario.Gruponan di maestro a sali pa exihi oido pa nan preocupacionan pa entre otro e tema di seguridad, nan a reuni cu Parlamento tambe.

Den e reunion cu Parlamento y gobierno mester a continua sinta na mesa pa wak ki solucionan concreto por yega pero lamentablemente a continua cu basicamente tur plan sin cu e preocupacionan a wordo atendi. Maestronan a pidi un reunion publico, nos fraccion di AVP a pidi un reunion publico, pero esaki no a ser honra.

Tambe tin gruponan huntu cu sindicato a reuni varios biaha tocante di indexering mirando con hopi costo di bida a subi den e ultimo dos añanan y tin bista cu e lo sigui subi ta na su lugar pa continua riba e punto aki of trece e ‘functiehuis’ pa Enseñansa riba mesa. Recientemente Sra Arends-Reyes a manda e mandatario encarga cu Enseñansa pregunta tocante e planan pa cu functiehuis pa Enseñansa sperando cu por haña mas claridad riba esaki, of pa wak si a presupuesta esaki den e presupuesto di pais di Aruba di 2020.

Ban spera cu mirando e desaroyonan cu ta pasando ultimo tempo den Enseñansa wordo atendi cu nan y wordo tuma na serio sra Arends-Reyes ta termina bisando