Na momento cu Evelyn Wever Croes a wordo nombra como formado di un gobierno nobo na 2017, su persona a Sali dilanti y bisa cu e ta un persona integro y hasta a sigura pueblo, cu esun cu kier forma un coalicion den su gobierno nobo, tin cu acepta cu su gobierno ta bay consisti di 7 minister.
Parlamentario di fraccion di AVP, Benny Sevinger a mustra cu algun siman despues pueblo a wordo confronta cu e prome acto di gañamento di un persona kende a sigura cu e ta integro y bira haci net lo contrario cu el a bisa pueblo e lo haci.
“Ora cu el a forma su gobierno y a reparti e puestonan di Minister, un di e prome cosnan cu Evelyn a haci, ta di pasa man pa tur compania di utilidad y pone nan tur bou di su responsabilidad.
Aki ta trata di Utilities, Elmar, WEB, RDA caminda e tempo ey hopi hende a cuestiona esaki y puntra di con RDA no a bay pa Glenbert Croes? Awe pueblo y nos tur ta wordo confronta cu e realidad riba e pakico di esaki e no ta bou di Glenbert Croes.
Asina cu esaki a sosode a cuminsa bay over na retira practicamente Directornan di e companianan aki caminda entre otro Evelyn a reacciona bisando cu e no sa nada di e retironan aki.
Sr Shon No Maduro a wordo nombra como presidente di Elmar y riba publicacion di un corant di e tempo ey, por a mira Evelyn entregando na Shon No un certificado di MEP.
Richard Eman na cabes di Utilities Aruba y a wordo nombra na RDA kende ta mesun persona cu ta socio di BBA Bank, socio den Arulex, pero Evelyn Wever Croes no sa nada di esaki.
Tambe e retira director di Elmar Robert Henriquez caminda Prome Minister a reacciona e tempo ey bisando cu e no sa kico a pasa cu e director aki.
Awe ta sali den recidbo di Croes Wever & Chong fecha 2 di oktober 2018, H.S.C Hendrik Croes, papa himself a scirbi:
“Aanvraag gemaakt met het concipieren concept krediet overeenkomst, e-mail met de heer Ling,” den cual documento ta para cu sr Hendrik Croes, a bay over na e ‘doelmatigheid’ di un investigacion riba sr Henriquez y a pone den e corespondencia cu mester traha riba e documentonan pa duna sr Henriquez su retiro como director di Elmar.
Pues Prome Minister su tata mes ta esun cu tabata encarga pa studia e documentonan con pa kita sr Henriquez for di Elmar anto awe Evelyn ta bisa cu e no sa di nada y cu e no sa con e hendenan aki a wordo retira for di trabou.
Director Hoeverts tambe a wordo retira for di su puesto na Utilities pero aki tambe Evelyn ta insisti cu e no tabata sa di algo riba e decision aki.
Alvin Koolman a tuma su retiro for di RDA pa motibo cu e no tabata di acuerdo cu e forma con politica y den e caso aki prome Minister ta hiba e maneho pa loke ta trata RDA y busca un forma di saca placa for di e compania, kier kibra contract cu Citgo etc.
Tur cosnan aki Evelyn ta pretende y declara cu e no tabata sa di nan pero tin documentonan cu ta mustra caminda Croes-Wever-Ruiz ta cobra 5 mil florin, Croes-Wever-Ruiz ta cobra 8 mil florin, Croes-Wever-Ruiz ta cobra 9 mil florin, Croes-Wever-Ruiz ta cobra 3 mil florin, Croes-Wever-Ruiz ta cobra 7 mil florin. Croes-Wever-Ruiz ta cobra 18 mil florin, ta cobra mil florin, Croes-Wever-Ruiz ta cobra 50 mil florin, Croes-Wever-Ruiz ta cobra 24 mil florin, Croes-Wever-Ruiz ta cobra 25 mil florin, Croes-Wever-Ruiz ta cobra 16 mil florin, Croes-Wever-Ruiz ta cobra 15 mil florin, caminda algun di e cobranzanan aki di Croes-Wever-Ruiz, ta na companianan cu ta cay bou responsabilidad di Evelyn Wever Croes.
Anto sra Wever Croes ta manda un carta dia 30 di oktober pa companianan di utilidad cu ta bisa:
“Apreciabel sr Director,
Den nomber di gobierno di Aruba, accionista directo of indirecto, ta informa bo cu manera palabra anteriormente den liña di maneho di otorgamento di contract na oficina di abogado, haci uso di mas c’un oficina di abogado.”
Sinembargo tur hende cu Evelyn a nombra na e companianan di utilidad, manera sr Eman, sr Ton Roojer, sr Junior Croes, Marlon Werleman, hendenan rond di e prome minister, Shon No Maduro, Evelyn a nombra nan den comienso di gobierno y ta manda bisa nan pa wak si nan por duna cualkier oficina di abogado un cachi cachi ya cu den pueblo tur cos ta wordo mira.
E carta a sigui mustra cu pa haci escogencia a base di experticio di e bufetenan aki y loke por wordo interpreta cu e expresion aki ta cu pa nan tuma oficina di su tata, ya cu no tin hende mas sabi cune, pues el a laga esaki habri pa nan haci escogencia pero en realidad por interpreta esaki cu a bisa nan sigui cu e oficina di Croes-Wever-Ruiz.
Tambe a bisa pa e responsabelnan nombra haci e gastonanan aki pa keda den margen di presupuesto y ta lanta e pregunta con por ta cu den e prome lunanan cu e decision aki a cay, oficina di Hendrik Croes ta manda cobra un suma di 4 mil florin y riba e cobransa ta para:
“Op verzoek van de Raad van Commissaris Voorzitter Richard Eman, bestudering contract Citgo – Land Aruba, verder bestudering contracten nagaan of ontbinding of vernietegings verklaring ter ondernemend zijn.”
Pues a cobra pa un investigacion, a traha dos ora pa 4 mil florin pa bay wak con ta kibra contract cu Citgo, pues e prome cos cu e gobierno a haci despues di a bisa ora a drenta gobierno, cu su gobierno lo sigui haci esfuerso pa habri e refineria pero manera tur hende sa caba, palabra di Prome Minister no ta palabra di confia y na Hulanda tambe nan sa esey awor,” Parlamentario benny Sevinger a declara.
