Siman pasa e huristanan den opleiding a logra atende varios persona cu a acudi na Tienda di ley pa haya asistencia huridico. Loke a resalta ta e grupo di persona cu a pidi pa asistencia cu bezwaar pa e cobransa di grondbelasting. 

E hobennan di PHP ta brindando asistencia rina diferente tereno. E casonan mas popular ta labor, belasting y vergunning. Dependiendo di e contenido di e caso y experiencia di nos hobennan hurista den opleiding ta brinda e asistencia rekeri. Hopi demanda tin pa bezwaarschriften impone contra cobransanan di impuesto. 

Tin ciudadano ta acudi na Tienda di ley tambe ora cu nan confronta problema laboral. Dependiendo di e circumstancianan concreto ta brinda e asistencia na e ciudadano. Cu orguyo nos por bisa cu nos huristanan den opleiding a logra brinda asistencia efectivo den e casonan aki. 

E siguiente session di Tienda di ley ta continua 13 juli 2019, debi na e ultimo tentamenperiode di nos profesionalnan lo no tin tienda di ley e diasabra aki. Plataforma Hobennan Profesional y partido AVP kier a desea tur nos colaboradornan di Tienda di ley exito y ta gradici cada un di nan cu tin curason pa yuda e comunidad gratuitamente tur diasabra.