Pa 16 aña caba tin un maneho pa loke ta otorgamento di tereno na Aruba, cu ta data for di tempo cu Marisol Lopez Tromp tabata minister encarga cu esaki y parlamentario di fraccion di AVP, sr Benny Sevinger, a mustra cu ora cu persona tabata responsabel como minister di infrastructura, el a haci algo cambio chikito pero a sigui cu mesun maneho anterior.

Esey ta e maneho cuj e actual minister Otmar Oduber ta ehecutando y kende tambe a sigui cu mesun maneho aki pero a dicidi di introduci algun cambio cu e tin cu bay cambia esakinan bek.

Segun Sevinger, e cambionan aki e actual minister tin cu bay cambia esakinan bek y a ripiti e ponencia aki, esta cu e cambionan introduci pa Oduber, tin cu wordo cambia bek.

“Un hende ta solicita, e hende ta pidi e bario caminda e lo kier su tereno, ta wak si tin tereno disponibel, si tin kavel disponibel, e persona ta wordo yama, e ta haya su reservacion, e tin cu cumpli cu reglanan existente, e ta bay notaris pa pasa e tereno y e persona por cuminsa cu construccion di su cas.

Pero minister Oduber kende ta bisa cu e ta e unico cu tin maneho, a introduci cambionan y un di esakinan specifico aki cu mi a bise cu e tin cu bay cambia bek, sino e lo probecha manera e ta pensa cu e lo saca probecho politico di esaki, manera cu e gobierno anterior tabata haci eaki, ya cu loke e ta haciendo awor aki ta un desaster.

Tur loke ta pasando na e momentonan aki, cu tur comedia cu e minister ta hungando cu ceremonia publicitario pa entrega di tereno, ta un tipo di wega di propaganda politico personal, sabiendo cu dentro di algun luna, ,e tin casi mesun cantidad di tereno pa bolbe sigui hunga politica cu e terenonan aki.

Durante di reunion publico recientemente, mi a dirigi dos pregunta na minister Oduber, relaciona cu  e terenonan cu el a entrega duranta recepcionnan na un hotel y mi a puntra di e grupo grandi aki, cuanto hende realmente a haya tereno  y cuanto no por a cumpli cu e exigencianan halto cu e minister aki a buta pa tur hende.

Den su palabranan y esaki ta notula oficialmente, e minister a bisa cu solamente 150 inicialmente a cumpli cu e exigencianan halto cu el a introduci, pues loke ta pasa e siman aki, ta cu minister Oduber lo bolbe entrega centenares di tereno na ciudananonan, pa mira sin nan lo por cumpli cu e exigencianan aki.

Mirando e desaroyo cu tin na e momentonan aki, causa pa un gobierno cu a percura pa un inflacion realmente serio, ta sigur caba cu 90% di e grupo nobo aki, lo no por cumpli den e periodo cortico cu a wordo fiha, pa keda cla cu banco pa haya financiamento pa construi un cas.

Ta poco hende lo por cumpli pa logra haya financiamente via di un banco pa construi un cas cu ta riba 200 mil florin y dentro di algun siman e mesun minister Oduber aki lo bay sinta na DIP pa mira cuanto tereno a kita di hendenan aki pa asina inicia otro serie di comedia politico pa bolbe manda yama otro grupo di ciudadano pa bin firma pa un pida tereno.

Ya caba tur hende sa cu e proyecto di reciclahe na Pos Chikito caminda e minister a huur un edificio di un sponsor di su campaña electoral pa un proyecto di Serlimar no ta funcionando y e unico proyecto di reciclahe na e momentonan aki, ta esun di tereno di gobierno, ya cu no por mira esaki di otro forma.

Ki mishi a duna mas cu 900 hende un tereno algun luna atras y awor tin casi mesun cantidad di tereno disponibel, loke ta mustra cu practicamente tur hende  cu a pasa den e proceso aki di sinta na mesa cu e minister y firma pa haya un tereno, ya no ta bin na remarca mas pa haya e tereno aki.

Ta mesun minister aki ta pretende di a introduci un maneho caminda e ta saca politica for di e proceso aki pero cu su maneho, cu su shownan cu e ta duna yamando tur hende bin firma pa tereno, otorgamento di tereno a bira un propaganda politico personal di e minister.

Si nos sigui declaracionnan haci pa director di DIP di ultimo dianan, por ripara cu el a duna un splicacion cu e hendenan cu no por a cumpli cu exigencianan exagera di financiamente pa haya un tereno di gobierno, por bay solicita pa un cas na FCCA, cu tambe ta bira sumamente dificil pa tur e hendenan aki cumpli cu e exigencianan cu nan lo wordo confronta cune.

Pesey mi ta bolbe bisa e minister, cu e tin cu cambia e maneho cu e ta hibando, ya cu di otro firma e 1000 pida tereno cu mi a laga atras pa wordo duna na esunnan cu a pidi pa un tereno, lo sigui wordo recicla pa saca beneficio politico di esaki y esey sin duda  ta di condena, ya cu e solicitantenan no ta haya suficiente tempo pa logra financiamento di nan cas.

Por ehempel den pasado tin hende cu a haya un tereno, a cuminsa construi nan cas y ora cu nan a yega te na ringbalk, nan ta bay banco pa haya financiamento pa caba cu nan cas, algo cu bou di e maneho actual di minister Oduber, ya no a posibel mas,” Parlamentario Benny Sevinger a declara.

Parlamentario Benny Sevinger

Otorgamento di tereno  a bira wega di reciclahe di propaganda politico

Pa 16 aña caba tin un maneho pa loke ta otorgamento di tereno na Aruba, cu ta data for di tempo cu Marisol Lopez Tromp tabata minister encarga cu esaki y parlamentario di fraccion di AVP, sr Benny Sevinger, a mustra cu ora cu persona tabata responsabel como minister di infrastructura, el a haci algo cambio chikito pero a sigui cu mesun maneho anterior.

Esey ta e maneho cuj e actual minister Otmar Oduber ta ehecutando y kende tambe a sigui cu mesun maneho aki pero a dicidi di introduci algun cambio cu e tin cu bay cambia esakinan bek.

Segun Sevinger, e cambionan aki e actual minister tin cu bay cambia esakinan bek y a ripiti e ponencia aki, esta cu e cambionan introduci pa Oduber, tin cu wordo cambia bek.

“Un hende ta solicita, e hende ta pidi e bario caminda e lo kier su tereno, ta wak si tin tereno disponibel, si tin kavel disponibel, e persona ta wordo yama, e ta haya su reservacion, e tin cu cumpli cu reglanan existente, e ta bay notaris pa pasa e tereno y e persona por cuminsa cu construccion di su cas.

Pero minister Oduber kende ta bisa cu e ta e unico cu tin maneho, a introduci cambionan y un di esakinan specifico aki cu mi a bise cu e tin cu bay cambia bek, sino e lo probecha manera e ta pensa cu e lo saca probecho politico di esaki, manera cu e gobierno anterior tabata haci eaki, ya cu loke e ta haciendo awor aki ta un desaster.

Tur loke ta pasando na e momentonan aki, cu tur comedia cu e minister ta hungando cu ceremonia publicitario pa entrega di tereno, ta un tipo di wega di propaganda politico personal, sabiendo cu dentro di algun luna, ,e tin casi mesun cantidad di tereno pa bolbe sigui hunga politica cu e terenonan aki.

Durante di reunion publico recientemente, mi a dirigi dos pregunta na minister Oduber, relaciona cu  e terenonan cu el a entrega duranta recepcionnan na un hotel y mi a puntra di e grupo grandi aki, cuanto hende realmente a haya tereno  y cuanto no por a cumpli cu e exigencianan halto cu e minister aki a buta pa tur hende.

Den su palabranan y esaki ta notula oficialmente, e minister a bisa cu solamente 150 inicialmente a cumpli cu e exigencianan halto cu el a introduci, pues loke ta pasa e siman aki, ta cu minister Oduber lo bolbe entrega centenares di tereno na ciudananonan, pa mira sin nan lo por cumpli cu e exigencianan aki.

Mirando e desaroyo cu tin na e momentonan aki, causa pa un gobierno cu a percura pa un inflacion realmente serio, ta sigur caba cu 90% di e grupo nobo aki, lo no por cumpli den e periodo cortico cu a wordo fiha, pa keda cla cu banco pa haya financiamento pa construi un cas.

Ta poco hende lo por cumpli pa logra haya financiamente via di un banco pa construi un cas cu ta riba 200 mil florin y dentro di algun siman e mesun minister Oduber aki lo bay sinta na DIP pa mira cuanto tereno a kita di hendenan aki pa asina inicia otro serie di comedia politico pa bolbe manda yama otro grupo di ciudadano pa bin firma pa un pida tereno.

Ya caba tur hende sa cu e proyecto di reciclahe na Pos Chikito caminda e minister a huur un edificio di un sponsor di su campaña electoral pa un proyecto di Serlimar no ta funcionando y e unico proyecto di reciclahe na e momentonan aki, ta esun di tereno di gobierno, ya cu no por mira esaki di otro forma.

Ki mishi a duna mas cu 900 hende un tereno algun luna atras y awor tin casi mesun cantidad di tereno disponibel, loke ta mustra cu practicamente tur hende  cu a pasa den e proceso aki di sinta na mesa cu e minister y firma pa haya un tereno, ya no ta bin na remarca mas pa haya e tereno aki.

Ta mesun minister aki ta pretende di a introduci un maneho caminda e ta saca politica for di e proceso aki pero cu su maneho, cu su shownan cu e ta duna yamando tur hende bin firma pa tereno, otorgamento di tereno a bira un propaganda politico personal di e minister.

Si nos sigui declaracionnan haci pa director di DIP di ultimo dianan, por ripara cu el a duna un splicacion cu e hendenan cu no por a cumpli cu exigencianan exagera di financiamente pa haya un tereno di gobierno, por bay solicita pa un cas na FCCA, cu tambe ta bira sumamente dificil pa tur e hendenan aki cumpli cu e exigencianan cu nan lo wordo confronta cune.

Pesey mi ta bolbe bisa e minister, cu e tin cu cambia e maneho cu e ta hibando, ya cu di otro firma e 1000 pida tereno cu mi a laga atras pa wordo duna na esunnan cu a pidi pa un tereno, lo sigui wordo recicla pa saca beneficio politico di esaki y esey sin duda  ta di condena, ya cu e solicitantenan no ta haya suficiente tempo pa logra financiamento di nan cas.

Por ehempel den pasado tin hende cu a haya un tereno, a cuminsa construi nan cas y ora cu nan a yega te na ringbalk, nan ta bay banco pa haya financiamento pa caba cu nan cas, algo cu bou di e maneho actual di minister Oduber, ya no a posibel mas,” Parlamentario Benny Sevinger a declara.