Mike de Meza di fraccion dki AVP den Parlamento durante un conferenica di prensa duna recientemente a duna di conoce cu loke ta pasando cu Gobierno actualmente ta un “kiezersbedrog” pa motibo cu loke cu a wordo priminti durante campaña no a cumpli cu esakinan. Diferente motibo puest pa manifesta y pidi pa un eleccion nobo.
El a expresa esaki relaciona cu e manifestacion nacional cu e Partido berde ta preparando pa dia 12 di April awo pa pueblo expresa nan mal contento pa cu e Gobierno, cu no ta cumpliendo cu loke a wordo priminti na e electorado. Tin un disgusto grandi bou di pueblo durante e ultimo un aña y mey pa motibo cu e Prome Minister y su Ministernan a haci tur cos cu ta en contra di loke nan a campaña cune y a primiti pueblo di Aruba. De Meza a duna e ehempel di expresionnan cu a wordo haci den campaña ora cu e lider di MEP a bisa cu su team conoce e materia di finanza y kico mester haci cu e situacion di Aruba pasobra ta algo cu nan a bin ta studiando profundamente. P’esey nan a haci e promesa cu partido MEP ta bay goberna sin tuma ningun medida, pero awe loke cu ta tipifica e Gobierno aki ta medida tras medida cu ta wordo tuma riba lomba di pueblo. Asina por a nota cu costo di bida ta haltisimo y e medidanan cu a wordo tuma ta trancando economia di e pais.
Aruba ta bibando den un situacion hopi fragil actualmente cu a bira necesario pa e pueblo subi caya y exigi pa bini un eleccion nobo. Principalmente pasobra e ultimo eleccion a wordo gana door di AVP pero partidonan MEP, POR Y RED a dicidi di laga AVP for di Gobenacion y nan forma un coalicion. Un coalicion ta algo cu tur partido tin derecho riba dje, pero loke cu De Meza ta cuestiona ta e engaño electoral. Y e situacion ta bira mas grave dia tras dia. Tin plannan pa bini cu mas medida den lunanan di juni of juli cu lo empeora e situacion na Aruba. Riba dje no tin ningun perspectiva pasobra trabou cu mester wordo haci door di e Gobernantenan no ta tuma luga of ni intento ta wordo haci, pa mira cual ta e opcionnan cu tin. Un di e esakinan ta e refineria cu Gobierno na ningun momento a tuma iniciativa pa bula bay papia specificamente riba e tema aki cu ta masha importante pa economia di Aruba.
