Centro Eliezer ta un percura pa e boerderij na Paradera cu ta percura pa yuda adictonan. Pa mas di 10 aña nan ta pidiendo pa subsidio. Ta haya ayudo di gobierno den cierto cosnan manera cuminda, personal. Pero personal a baha hopi debi cu nan no por traha cu personanan cu ta bin di otro centronan y ta pidi overplaatsing, e no ta bay.

Actualmente tin registra 800 mucha cu ta uzado di marihuana un of otro manera. Pero tambe nan tin problema mental. Esaki ta comproba y ta indica cu esaki ta algo cu Gino Frans di Eliezer Fundacion no ta inventa. Respaldo tin tur rapport cu tur informacion den dje. Tin registra 800 mucha na Aruba, pero por ta cu tin mas cu tin problema mental.

Eliezer Fundacion ta haya personanan cu a haya problema y no ta bay haya nunca uno cu ta bin boluntariamente. Nan ta manda e persona p’e fundacion, cual ta un persona cu no ta funciona den su funcion na otro centro. Eynan tampoco nan no ta bay funciona, pasobra nan ta bin cu e problema na e fundacion. Esey ta algo cu nan no ta haci mas, pero tin 1 empleado cu a bin di KIA y tin 3 aña cu nan.

Nan meta ta pa logra kita nan for di caya y trece nan na e fundacion, laga nan rehabilita y duna nan e terapia di trabou. Ta siña nan tur locula un doño di trabou ta spera di un empleado. E fundacion tin un bon relacion cu DPL y via nan pone e personanan aki na den un trabou bek. Hopi biaha e personanan ta rehabilita y ta pone nan riba caya bek, pero no tin un na zorg. E fundacion ta percura pa duna nan un trabou ora nan bay for di e fundacion. Pa 9 luna largo ta train nan den tur loke un doño di trabou ta spera y duna nan un trabou.

Gino Frans di Eliezer Fundacion tabata un persona cu a uza droga y a cay pisa den esaki. E prome droga cu el a uza den su bida tabata marihuana y nunca el a pensa cu di eynan e ta bay pa cocaina, alcohol y tur otro cu tin. El a expresa cu alcohol tambe ta un droga. Pa su persona ta un dolor ora cu hende bisa e no ta haci nada, pero ora di uza marijuana bo ta bira halto y ora di no tin e bo ta bira nervio.

“Mi ta corda cu tempo mi tabata uza marihuana y tabatin momento cu mi no hay’e, mi tabata bira mal beis. Na momento cu mi hay’e y tum’e bek, mi tabata funciona atrobe”, el a bisa. Aworaki cu e ta tende cu e no ta haci nada y ta algo normal, esey no ta berdad. Como ex uzado pa scucha hende bisa esey ta haci dolor, pasobra ora di huma marihuana, bo ta bira halto.

Hopi ta uza e excusa cu e ta un remedi y ta miho cu alcohol. Pone nan 2 hunto, e marihuana ta menos problema cu alcohol pasobra marijuana no ta pone bo accidenta cu auto. Por ta e marihuana no ta pone bo yega cas y bati casa of yiunan. Pero a lo largo e ta haci cu bo ta depende di dje, e tin otro tipo di “side effect”. Tur dos ta malo, pero ultimo tempo nan ta ataca e alcohol. Esaki ta algo bon pasobra alcohol tambe ta malo.

Den e trabou diario di Gino Frans, e ta topa cu muchanan cu tin problema “psychosis” cu ta humado di marihuana. Muchanan cu no ta bebe alcohol ni uza otro tipo di droga. E muchanan aki ta echt uza marihuana so y nan ta bin cu problema cerca Gino Frans regularmente. “E ta dolor pa bo tende cu nan kier bay legalis’e. Como un hende, como un guia, como un persona cu ta duna conseho na e muchanan aki. Terapista p’e muchanan aki y mi ta bay tende cu nan ta legalis’e pa mi ta hopi dolor”. E ta busca manera pa nan no uz’e y di otro banda ta scucha den media cu e ta bon.