Den Parlamento durante un reunion publico awe tabata obvio cu coalicion no por a sera quorum pa vota pa nan mesun mocionnan.E reunion aki a ser yama pa discuti encuanto di CAft y e protocol nobo cu gobierno di Aruba a sera cu Hulanda anja pasa pa loke ta trata supervision financiero. E ley di supervision financiero (LAft) su cuadro di normanan tabata valido te cu december 2018. Promer cu esaki e gobierno aki mester a bin cu un otro ley. E protocol cu ta forma base pa e ley aki a ser firma anja pasa, sinembargo e ley di LAft mes no a yega Parlamento ainda pa ser trata. E comision encarga cu supervision financiero (Caft) a entrega su rapport pa loke ta trata presupuesto 2019 y pa di dos biaha tras di otro ta constata cu e presupuesto su splicasion no ta suficiente y cu ariba nan peticion gobierno no ta otorga nan suficiente informacion. Entre otro pa loke ta trata e sociaal crisisplan y otro aspectonan. Wyatt-Ras y su coleganan a haci varios pregunta pa haya claridad sinembargo e minister cu por cierto no tabatey durante full e reunion no a contesta tur pregunta sino tabata referi na documentonan cu ya parlamentarionan a tuma nota di nan. Gobierno a introduci medida bao di nomber “crisisheffing” y a haya dividendo extra sinembargo no ta bahando su gastonan di luho y ta keda nombra amigo y famianan. Tin entendi cu lo bin cu mas medida y Wyatt-Ras a puntra minister esaki. Tambe tin critica di Caft cu gobierno no ta duna nan tur informacion dor di cual e presupuesto no ta controlable. Ainda no a fiha tampoco e sector colectivo. Ademas e meerjarenraming no ta realistico. Por bisa cu gobierno a entrega nos autonomia, paso awor Hulanda ta stipula cu p.e. pa loke ta trata dividendo mester bai pa paga debe. Tambe ta Rijksministerraad lo mester trata e LAFt nobo promer cu Parlamento di Aruba por haya dicho ley. Den cuadro di esaki e parlamentarionan di coalicion a entrega un mocion, cual ta duna minister Ruiz Maduro un brevet van “onvermogen”. Tambe a ser entrega un mocion pa sr. Kamp no forma parti mas di CAft enbista cu e tabata politico. Aki atrobe ta indica cu minister di Finanzas a sabiendas cu esaki ta contra di ley di LAft di 2015 a bai di acuerdo. Wyatt-Ras ta haya un lastima cu a yama e reunion sin cu gobierno a duna informacion nobo. Por a skucha e minister ta yora cu prensa ta publica informacion di e rapportnan di CAft cu ta bira publico asina nan ser manda pa Staten. Aki por nota cu e mesun minister cu tempo e tabata parlamentario hunto cu su colega minister presidente a lobby serca tur politico Hulandes y prensa hulandes pa Aruba ser poni bao supervision y bao curatela awe di no kier pa publica e rapporten di CAft.Na fin di e reunion a resulta cu e protocol firma anja pasa dor di minister Ruiz Maduro Maduro no tin sosten di su coleganan di coalicion. Nan a duna e minister un brevet van onvermogen. E minister a entrega nos autonomia. E cu tabata grita antes cu e ta para fuerte den su zapatonan,awe ta cana riba klompen. Zeg, het kan verkeren! Mientrastanto nos hendenan ta pasa den miseria na man di medidana. Cu e gobierno ali cu sosten di su parlamentarionan di coalicion a introduci.
