Parlamentario, drs. Mervin Wyatt-Ras durante conferencia di prensa di fraccion di AVP a trece padilanti diferente remarca di e raport mas recien di CAft encuanto presupuesto 2019. Ya caba CAft a duna conseho ariba dicho presupuesto 22 di oktober 2018, promer cu esaki a keda entrega na Parlamento pa ser aproba.
Dia 22 di november gobierno y Hulanda a firma un protocol pa anjanan 2019-2021, pero te ainda ni foe ni fa di e ley nobo di LAft. Esaki ta haci cu CAft ta huzga e presupuesto di 2019 segun normanan cu ya no ta valido mas. Aki gobierno no a cumpli, pero ta parse cu CAft a dicidi di duna gobierno un chance. Net e gobierno aki di cual su miembronan a grita den tono halto den parlamento cu nan no ta acepta cos cu no ta segun ley. Nan ta cuminsa na desvia di ley. Segun CAft gobierno no ta cumpli cu diferente consehonan cu a duna na oktober ultimo. Por lo general ta constata cu presupuesto 2019 no ta controlable. Den splicacion di e presupuesto no ta cla si Aruba ta riba e bon caminda pa logra bon finanzas publico.
Segun CAft gobierno no a tene suficiente cuenta cu su consejo di 20 di oktober 2018. Pa loke ta trata e begrotingsfonds Social Caft ta trece padilanti cu esaki mester ta mas detailla. Textualmente Caft ta duna como conseho: “Stel een gedetailleerde begroting op voor het interim begrotingsfonds SCP, waaruit duidelijk blijkt aan welke projecten de middelen worden besteed en wanneer Aruba voornemens is om deze bestedingen te verrichten. Ook dient uit deze begroting duidelijk te blijken dat eventueel extra personeel voor het Sociaal Crisis Plan de realisatie van de doelstelling om de personeelslasten nominaal te laten dalen vanaf 2019 in gevaar brengt en derhalve elders dient te worden gecompenseerd”.
Proyectonan mester cuadra cu medionanan financiero. Tambe mester ta cla ki personal mester ser busca y nombra. Tambe pa cumpli cu loke a acorda cu Hulanda lo mester tene cuenta ora nombra personal special cu mester tene cuenta cu e peliger cu no por realisa e meta pa baha gastonan di personal desde 2019 y cu esaki lo mester ser compensa otro caminda. Wyatt-Ras ta constata cu despues cu a aproba e fondo social no a tende nada mas di e minister.
A skucha propaganda den medio di comunicacion pa e plan social pero esey no mester ta intencion, lo mester ejecuta proyectonan concreto dirigi por ehempel riba prevencion di abuso y maltrato di mucha. Fraccion di Avp lo keda sigui ejecucion di e plan cu wowo critico y gobierno lo mester bin splica parlamento con ta sigui cu ejecucion. Otro siman CAft lo ta na Parlamento cu splicacion di su conseho duna na gobierno. E hecho cu e ley di Laft no a yega parlamento ta muestra cu gobierno aki no ta trahando.
