Segun sra Arends-Reyes durante tratamento di presupuesto 2019 un di e topiconan cu tur parlamentario a papia tocante di dje y Ministernan a indica cu nan ta kere den campaña fuerte contra alcohol y droga especialmente bou di menor di edad.

E unico cu tawata riba un otro frecuencia tawata e Ministerio di Enseñansa cu den su presupuesto no a pa pia y no kier a contesta nada tocante campaña contra alcohol y droga na skolnan. Locual si tawata den e presupuesto di e Ministerio di Enseñansa tawata un alocacion di 240 mil florin pa huristanan di Unescoraad traha principalmente ariba un concepto di cambio di maneho pa cu cultivo di Cannabis y hennep. E discripcion aki sin indica si e cultivo aki lo ta pa uzo medicinal, recreacional, pa export of tur tres.

A hasi Minister diferente pregunta tocante e topico pero e Minister Lampe no a contesta al caso sin cu mester a insinua cu tur cu puntra al respecto, ta pa motibo cu nan no sa nada tocante e topico y ta recomenda nan un booklet di informacion cu e la laga traha pa e conferencia cu gobierno a yuda patrocina. Tambe a puntra si tin un ‘roadmap’ di con pa yegana e metanan cu ta indicando cu coalicion a acorda riba dj’e, a ser hasi tur sorto di mofa pero no kier a duna un contestacion concreto. Tanto supuesto rabiamento cu tawatin den coalicion tocante e topico di Cannabis, na final tur parlamentario di coalicion MEPPORRED a vota pro e presupuesto 2019 cu subsecuentemente a aproba 240.000 cu ta den e Ministerio di Educacion pa continua cu exploracion di posibilidadnan pa decriminalisa e cultivo di cannabis y hennep na Aruba.