Parlamentario Mervin Wyatt-Ras durantr conferencia di prensa semanal di partido AVP a trece padilanti cu durante vragenuur cu minister Dangui Oduber e minister no tabata serio den su contestanan. Tabata trata di preguntanan di sra. Lopez-Tromp cu Presidente di Parlamento si a yama reunion pa dicho minister bin contesta. Contrario na preguntanan di Mervin Wyatt-Ras y otro coleganan di su fraccion cu e minister aki te ainda no a caba di contesta. Durante contestanan pa loke ta trata hospital minister a insinua comisifuera cu den construccion a premedita cierto desaroyonan, locual Wyatt-Ras no ta haya na su lugar tal expresion. Bo mester dali afo cu niun hende no ta haci algo pa malo. Di comienso e minister actual formando parti di fraccion di Mep tabata contra di e contratista cu a haya e trabou. Ora a yama reunionnan di comision cu stakeholders e tempo ey e minister aki nunca no a mustra interes y no a presenta na reunionnan ey. Segun Wyatt-Ras si e minister kier investiga e mester a haci esaki caba y no keda keha. Tin un mocion al respecto. Minister ta keha di fayonan den construccion. Esey ta facil pa coregi. Si e ta na haltura di fayonan e como mandatario mester por bisa esnan encarga pa soluciona e fayonan, y no laga nan. Minister a indica cu ya caba 50 % di e proyecto ta kla y cu e lo kier nombra un otro projectleider. Esey tabata di spera di e gobierno aki cu ta kita tur hende pa pone esnan yega na nan. Hecho ta cu pueblo ta den espera di un hospital trnoba di calidad y mester traha envez di keda keha. No ta algo desconoci cu SOGA a realisa diferente proyecto di PPP, tambr bao gobernacion di Mep manera e edificio di Belfin, ATA y Infra. Pa eseynan e minister no a keha. Ya ta casi un anja caba cu e gobierno aki ta sinta y ainda ta keha mescos cu tempo tabata den oposicion. Tempo di critica pa tur cos a pasa awor mester traha, segun Wyatt-Ras.