Parlamentario Benny Sevinger a declara cu awe nos ta mira con minister Otmar Oduber ta tira salto mortal pa purba scapa cara di su colega Marisol Lopez Tromp cu e mes a haci un investigacion riba dje y a conclui cu Marisol Lopez Tromp den su periodo como minister di infrastructura ta responsabel pa por lo menos 7503 camber di cual el a traha 3004 camber y laga comprometi 4499 kamber.
Awe Otmar Oduber kier tira culpa riba Benny Sevinger unda e sa bon bon cu ta Marisol Lopez Tromp ta responsabel pero Benny Sevinger no a spera nada otro di un persona manera Otmar Oduber. Awe ta yora cu bo y mayan ta hinca cuchiu den bo lomba.
Politiconan cu ta hasi tur cos pa ta den poder hamas lo por traha na beneficio di otro. Pueblo tur dia ta wak ken e hendenan aki ta. Personanan cu kier a cera bo y for di aña 2001 cu comision di berdad cu Rudy Lampe a dirigi cu a detene bo y a hiba bo corte y den e ultimo añanan a haci un monton di denuncia contra bo y awe bo ta den cama cu nan ta bisa hopi di bo y di nan.
Papia berda no ta parti di e mentalidadnan ey.
Hecho ta cu Otmar Oduber a haci un investigacion riba Marisol Lopez Tromp cu conclusion cu Marisol Lopez Tromp ta responsabel pa por lo menos 7503 kamber durante su periodo como minister di infrastructura.
Parlamentario Benny Sevinger a termina bisando cu ser minister ta un honor, si bo ta traha den un ekipo cu tin un plan y ta traha na beneficio di pueblo, contrario na loke nos ta wak awe, ningun idea kico pa haci, simpelmente tres partido cu kier ta den gobierno pa nan propio beneficio no ta confio otro pero mester keda hunto pasobra e meta ta enrikece nan mes y e grupito rond di nan, mientras pueblo ta sufri, ki tristesa!
Loke tambe ta un punto cardinal di henter e acuerdo cu e dos Ministernan Oduber a firma pa loke ta construccion di e hotel aki, ta e hecho cu ningun caminda tin informacion di contenido di e acuerdo aki, di e MOU cu a wordo firma ya cu ainda no ta conoci si e grupo ta haya tambe e pida di ‘wetland’ cu Marisol Lopez Tromp a duna e grupo pa construccion di espacio pa staciona auto.
