Parlamentario Michael Lampe di fraccion di AVP,  a participa den un lectura cu a wordo teni pa directiva di La Salle College relaciona cu  specialisacion den futuro di studiantenan di e scol.

“Den e contexto di ‘carriere planning,’  La Salle College e tene un lectura pa studiantenan y mi persona a wordo invita pa duna informacion riba loke ta parti di mi experencia saliendo for di musica y biniendo for di e sector creativo,  con mi a haci esaki y cual scol mi a atende pa asina duna un miho idea na studiantenan riba kico nan por haci pa futuro.  Mi ta contesta varios pregunta y informa riba diferente aspecto cu mi a experencia y mi a duna un presentacion cu mi ta kere ta importante cu nos studiantenan por ta ‘engaged’ pa nos por duna bek na comunidad  atrabes di lecturanan manera cu esaki.

Pa medio di lecturanan asina por mustra e hobennan cu nan tambe por yega unda cu nan kier yega y cual ta e pasonan cu ami a tuma pa yega cu no necesariamente ta mesun pasonan cu nan lo kier sigui pero si riba tur posibilidad cu nan tin y e tipo di e lecturanan aki ta importante y sin duda esaki tabata hopi bon.

Recientemente mi tabata na Sint Maarten caminda nos a reuni cu varios grupo cu a bin hunto pa analisa  y discuti riba diferente forma con atraves di sector creativo y ideanan nobo, por construi e comunidad  di Sint Maarten y  tambe fiha un liña di comunicacion cu Aruba y asina logra mucho mas trahando riba un base solido pa sigui traha riba e industria creativo,” Parlamentario Michael Lampe a mustra.