Solicitud pa Minister di Finansa bin informa Parlamento

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Solicitud pa Minister di Finansa bin informa Parlamento

March 8, 2018 AVP 0

Diaranson mainta e miembro di fraccion di AVP den Parlamento, sr Richard Arends, a dirigi un carta na Presidente di Parlamento, sr Ady Thijssen, den cual ta haci un apelacion riba su persona, pa invita Minister di Finansa, Asuntonan Economico y Cultura, pa bin duna Parlamento, informacion riba e ‘Financieel Economisch Memorandum, esta FEM, cual ya caba e Minister a manda pa CAFT algun dia atras.

Den su carta sr Arends ta mustra cu su peticion pa e bijeenkomst aki ta pa motibo cu no a ricibi reaccion di Gobierno, riba su carta cu ta data 20 di februari 2018 cu mesun peticion aki, esta pa Parlamento wordo informa adecuadamente como organo cu ta controla maneho di Gobierno.

Na mes momento e peticion aki ta cuadra den e pensamento di Gobierno anuncia cu su maneho lo ta basa riba transparencia y sigur ora cu ta trata e respet y reconocimento cu mester tin pa Parlamento.

Duna nos Luz Berde

Tuma contacto cu mi

Lista di candidatonan AVP

Aruba awor

Noticia

Eventonan