“Dialuna anochi durante di e reunion informativo cu partido AVP a organisa na e centro di YMCA na San Nicolas y cu a conta c’un atendencia impresionante, por a sinti e decepcion grandi di nos hendenan cu simplemente no a spera e desaroyo cu nos pais a bin haya su mes aden den ultimo shete luna di gobernacion di gabinete Wever Croes, caminda inseguridad y desesperacion di un gobierno incapacita pa dirigi e pais, ta causando un presion enorme riba henter comunidad.

Esaki tabata bisto for di momento cu e tres partidonan aki a dicidi di forma un coalicion, lagando e partido mas grandi cu a gana eleccion, esta AVP for di gobernacion y a asumi responsabilidad di e pais, sin cu nan tabatin solucionnan real pa atende cu interes di nos pueblo.

Loke nan a hasi ta tuma 9 luna pa prepara un pakete di medida cu ta tipifica e mentalidad y vision di partido MEP, sin un dia brinda pueblo algo positivo pa nan futuro.

Awe despues di a priminti alivio, despues di a priminti altenativa pueblo ta hanja medida, pueblo a hanja e resibo pa paga ,medida y mas medida 6 porciento ariba seguro, 6 porciento ariba transaccion na banco, prijs di pan ta subi, gasoline ta subi, tur product lo hanja un aumento, e gobierno aki den apenas 9 luna a castiga e pueblo malamente.

Loke a resalta tambe den e incuentro ta e echo cu no tabata tin placa pa e MFA pa San Nicolas pero por gasta 130 miyon den tur sorto di locura manera entre otro un dump na poschikito cu lo bay costa pueblo alrededor di 700 mil florin pa anja sin conta e molster cu e lo bay causa e pueblo.

E message cu a keda duna ta pa e gobierno aki SOMENTA y stop di castiga pueblo y stop di ganja nos penshonado nan cu nan lo bay hanja rebajo, cu nan lo bay hanja mas placa caminda loke realmente lo bay sosode ta cu un gran majoria lo bay perde nan 100 florin cu gabinete Mike Eman a duna nan na reparatie toeslag, gabinete Wever Croes ta un set di abusador cu ta pone e puebo aki sufri, parlamentario Marlon Sneek a declara.