fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 VUT y kita periodiek y retiro di grupo den overtollighedspool no ta suficiente

Lider di fraccion di AVP, Marlon  Sneek a mustra cu e storia di VUT regeling no ta suficente, nos sa cu bou di gobierno di AVP na cuater ocasion a ofrece vut regeling na trahadonan di gobierno y e grupo cu a acepta esaki, ta un grupo masha limita y claramente por ripara cu e reduccion di 12 miyon, lo no wordo logra cu e acuerdo di VUT. Halabes meste corda cu ora ta papia di VUT ta te despues di 3 anja e empleado ta realemente for di e payroll di gobierno.

“Minister presidente tambe a papia di personal den ‘overtolligheidspool’ lo tin cu bin traha bek y si nan bin bek nan lo sigui cobra y gobierno tin cu bay spaar 12 miyon loke ta nifica cu trahadonan tin cu bay cas.

Esey ta loke minister presidente mester tin e curashi pa bisa e berdad psaobra otro forma of sistema no tin  y un trahado cu tin derecho riba su ‘periodiek’ si no cambia e ley y kita esaki for di e trahado, e ta bay Corte y gana su caso tambe.

No mester traha storia cu no ta bay duna periodiek, e storia di overtollighedspool cu awor si nan tin cu bay traha y e areglo di VUT,  ta un mentira pasobra tur gobierno a purba di pone tur hende cu ta den overtollighedspool na trabou bek, tin un  proceso cu mester sigui pa logra esaki y no ta di awe pa manjan.

Pa colmo gobierno ta papia di elimina overtollingheidspool pero kico nos por ripara cu ta pasando, cu gobierno mes a manda hefenan di varios departamento cas, un tras di otro, yenando e overtollighedspool pero den mesun rosea ta bisa cu nan ta bay manda hende cas den e grupo aki.

Durante di e debate den Parlamento pa presupuesto 2018, minister Otmar Oduber a anuncia cu e ta bay yena DIP cu mas trahado pa motibo cu gobierno anterio no a nombra hende y ta un proceso cu minister presidente Evelyne Croes ta papiando di dje, ta loke gobierno di AVP a haci caminda a presenta VUT regeling, caminda tin hende cu ta bay cas for di servicio di gobierno, purba pa trata di haci uzo di tecnologia pa asina no mester nombra hende y e gobierno aki a yega y nombra 300 hende den servicio di gobierno.

Esey ta e realidad ya cu e gobierno aki a yega y yena tur vacatura cu tabata existi y den publicacion di medionan di comunicacion, practicamente tur dia ta anuncia vacaturanan cu mester hende aki y mester hende aya, caminda na DIP y Serlimar, practicamente tur dia tin hende nobo ta drenta.

Un realidad bisto pa tur hende pero ta bin cu storianan fantasma cu no ta bay kita hende, cu ta bay purba cu diferente cos, pero hecho ta cu ya no tin nada mas pa purba. CAFT a bisa gobierno cu mester bay baha gasto di personal cu 12 miyon florin e ultimo 6 luna cu nos tin nos dilanti.

Ya no tin espacio pa weganan manera nos ta den proceso, nos a cuminsa pasobra di e procesonan cu minster presidente ta papia di dje, ta procesonan cu ta tuma tempo y cu su gobierno lo no yega na e suma di 12 miyon cu nan a priminti di logra.

Gobierno sa cu si no cumpli cu loke nan a priminti di haci, un KB lo bin pa gabinete Wever Croes despues di a benta un storia den scochi di Hulanda pa no haya un KB pero manera cu minister presidente ta papia, nos ta mira cu e KB ta bay bin ya cu paden ta bisa cu nan ta bay manda hende cas sigur pero ora cu e Sali bin pafo dilanti pueblo, e ta bisa un otro storia cu gobierno lo no bay manda hende cas,” Parlamentario Marlon Sneek a señala.

 

Leave a Reply

Your email address will not be published. Required fields are marked *