fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Venezuela tin honorabel Juan Guaido y Aruba tin un premier gañado

Cu hopi asombro miembro di fraccion di AVP,  Arthur Dowers, a tuma nota di declaracionnan haci pa prome minister Evelyne Wever Croes siman pasa, relaciona cu e proceso di reapertura di e refineria na San Nicolas.

Dowers a mustra cu na Venezuela tin un persona cu a haci masha hopi esfuerso mes pa logra convence Washington pa lanta algun di e embargonan cu tabatin riba interesnan petrolero di e pais loke a ser haci tambe.

“Si, cu hopi asombro mi tambe a bin tuma nota di algun ponencia di Minister Presidente di Aruba y nos a bin realisa cu henter e discusion over di e refineria, ti na Venezuela un persona cu a haci hopi esfuerso y nan tin un Guaido na e momento aki pero aki na Aruba a resulta cu nos tin un gañado.

Paso e persona aki na momento cu el a sinta como Minister Presidente, un di e prome cosnan cu el a papia den parlamento ta cu nan ta bay studia con pa nan deshaci di e contracto cu CITGO.

Mi ta kere cu hopi hende ta corda esey, apesar c’un aña y mei a pasa caba, pero esey tabata un di su prome temanan y na mes momento a bisa cu e sa cu ta dificil pa kibra un contract cu ta bon hinca den otro pero cu nan lo busca un team di abogado y mi tin gana di sa kendenan ta forma parti di e team aki, pero e team aki mester a studia con ta bay cera e refineria, no habri’e pero con ta cera esaki,

Na di dos luga el a bisa cu e ta bay planta marihuana riba tereno di refineria y tin grabacion di e declaracion aki di prome minister Evelyne Wever Croes y despues di esey nos a bin haya informacion  cu en realidad e minister presidente aki nunca kier a mira e refineria aki habri pasobra cu el a cera un pacto cu cierto personanan y un parti importante di e gobernacion aki, sosteni pa personanan cu ta contra di e refineri.

Personanan cu tabata den AVP   y nos sa cu tin un di nan cu a vota contra di e refineria tempo cu e ley a pasa y tin otro cu tabatin interesnan particular pa loke ta desaroyo di hotel pariba na Snba Nicolas y no kier mira e refineria aki habri.

Loke a pasa y pueblo mester realisa esey cu tur tempo, señora minister presidente a keda keto, e no a haci ningun tipo di esfuerso pa Sali bin dilanti y mustra su interes pa logra reapertura di e refineria.

E unico biaha cu mi persona a mira premier Evelyne bin dilanti cu hopi entusiasmo, ta na e momento cu a wordo anuncia cu berdaderamente e embargonan ta birando mas pisa y cu trahadonan ta perde nan trabou.

E ora prome minister a sali y gaña como si fuera e ta preocupa y nos sa esaki pasobra tin documentacion y grabacion cu ta duna informacionnan hopi cla, di personanan cu ta hopi cerca formacion di e actual gobierno, kendenan ta bisa cu tin pacto entre cierto personanan pa percura pa e refineria no habri su portanan.

E parti mas tristo ta cu dia sr Koolman di RdA, pasobra e gobierno aki a keda keto tur tempo pa loke ta trata desaroyo di e refineria, gobierno a keta keto tambe pa loke ta posibilidadnan cu tin pa  e refineria berdaderamente bay opera, dado momento sr Koolman a Sali y el a duna un splicacion cu mi mester bisa cu mi mes a keda sorprendi.

E presentacion cu el a duna tabata un presentacion cu ta riba un nivel cu ta un minister mester a duna pero e minister kende ta responsabel pa e refineria cu ta premier Wever Croes, nunca kier a duna esaki pero sr Koolman a splica na placa chikito, e importancia di e refineria aki pa cu Venezuela y pakico Venezuela ta keda tene tambe na esaki.

Na momento cu realidad a bati na porta y prome minister no por a neglisha e berdad aki mas, el a purba un cos chikito y na momento cu el a realisa cu e esfuerso haci pa Presidente interino Guaido cu tog e plannan pa e refineria di Aruba lo sigui, cu e vision cu tabatin lo por bira realidad awor, Evelyne ta core Sali y insisti cu ta su persona a haci tur esfuerso.

Mi ta kere cu ta un berguensa pa un persona cu nunca a haci nada pa e refineria, cu nunca tabata kira su cabes cu tur loke pasa of keda sin pasa cu e refineria, ta bin dilanti y haci un show na momento cu e ta kere cu awor e tin chens pa logra algom” Parlamentario Arthur Dowers a declara.