fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

E conferencia entre parlamentonan di Reino (IPKO), caminda Parlamentonan di Aruba, Corsou, Sint Maarten y Hulanda ta discuti temanan comun, a inicia cu un cumbre tripartiet di e parlamentonan di e paisnan den Caribe di Reino. For di diamars nos ta tocando temanan cu tin importancia hopi grandi pa nos isla entre otro e e metanan di desaroyo sostenible cu a wordo adopta pa Gabinete Mike Eman II di cual Aruba a hasi avansenan substancial, e.o. riba tereno di energia y desaroyo sostenible. Otro temanan importante cu a bin dilanti den e conferencia ta e situacion di Venezuela y e solucion di disputanan, of e asina yama ‘geschillenregeling’.

“Geschillenregeling  lo mehora e relacionnan den Reino  y na mes momento lo ‘parkeer’  tambe disputanan cu por surgi entre paisnan y lo percura pa e diferencianan di opinion no influencia e relacion entre paisnan y Reino” E condicionnan cu ya caba a wordo palabra entre Parlamentonan di Reino for di 2010, ta cu e solucion di disputa mester ta imparcial, independiente  y mas cu tur cos e mester ta un decision ‘bindend’, un veredicto final riba e diferencia di opinion caminda ningun otro organo den Reino por deasvia di e decision cu e instancia aki lo tuma.

Hunto cu nos coleganan di Hulanda, Sint Maarten y Corsou, nos a wordo sorprendi pa un carta di gobierno Hulandes, caminda ta indica y confirma loke ya caba a wordo bisa den prensa, cu tratamento di e ley aki ta wordo posponi pa tempo indefini.
Sinembargo e Presidente di IPKO kende e biaha aki ta e Presidente di Comision Fiho pa Asuntonan di Reino di Tweede Kamer  y tambe e comision fiho di Eerste Kamer, a dirigi un carta na Gobierno Hulandes caminda nan ta urgi pa entrega e proyecto di ley aki, un Rijkswet porcierto, prome cu dia prome di november.

Na e momento ey e islanan lo tin claridad tamba riba di e conseho cu Raad van State a duna riba e proyecto di Rijkswet cu a wordo entrega caba pa mas di un aña y pa mas c’un aña ta den man di Gobierno Hulandes.