fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Durante tratamento di presupuesto di DOW y di TPEF  recientemente, mas tanto a resalta e forma con miembronan di e fraccionnan cu ta sostene gobierno, a presenta mocionnan cu claramente ta dirigi pa atende cu asuntonan cu tin di haber cu cumplimento cu votadonan di partidonan politico.
Miembro di fraccion di AVP, Benny Sevinger a mustra cu varios miembro di e fraccionnan aki, a presenta mocionnan pa pone caminda di asfalt den cierto barionan caminda nan votadonan di ultimo eleccion, ta residencia.

Fuera di esaki tin un miembro di Parlamento, hasta a presenta un mocion den cual ta practicamente prohibi gobierno ehecuta un parti di e Linearpark cu mester yega te na Malmok, ya cu den e plan original, esaki ta pasa dilanti di su cas caminda ya caba e mes a laga drecha y hasta a pone klinkers.
Segun Parlamentario Sevinger, aki e interes di e miembro di fraccion aki ta bin prome cu interes general sigur ora cu mira cu lo mester basha asfalt practicamente riba un parti di e beach, cu segun e plan pa embeyece e sector aki, mester wordo drecha y conserva.
“Un parlamentario ta presenta un mocion den cual e ta bisa cu e no kier pa mishi cu e pida tereno dilanti di su cas y cu mester laga tur cos manera cu e ta aworaki y esaki a percura pa algun situacion sumamente serio y comico den parlamento.

Dado momento e minister encarga cu TPEF, Dangui Oduber ta reacciona y ta bisa cu e no tin intencion di hala ningun caminda pero lo pasa e ‘boardwalk’ na e otro banda cu ta riba e beach.
Minister Dangui di su parti hasta a mustra cu berdad tin un plan pero cu e no tin intecion di ehecuta e plan aki y yael a contrata su primo ordo pa traha un plan nobo pa diseña un boardwalk y cu e caminda lo keda mescos pero caminda tin hende ta cana awo riba un parti di santo, ta pone asfalt y esey ta e plan.
El a trece un plan, pone esaki ‘ter inzage’ den Parlamento y a participa cu practicamente otro siman lo cuminsa cu ehecucion di e plan aki ya cu e plan ta cla.
TPEF no tin autoridad pa uno duna ordo pa pinta mapa, noin autoridad pa haci aanbesteding, no tin autoridad pa control y sigu no tin autoridad pa ehecuta e proyecto aki tampoco.
Aki TPEF su minester tin cu bisa e minister di infrastructura cu nan cu ta responsabel pa TPEF, ta mira e proyecto aki como algo importante y lo pone un of dos miyon pa esaki y ministe di infrastrucura mester  bay ehecuta esaki.
DOW tin cu traha mapa, DOW tin cu percura pa aanbesteding, DOW tin cu controla y te eynan e trabou di TPEF ta yega.
Nos  a ripara cu e minister encarga cu TPEF no sa kico e ta haciendo, ta dicidi cu pasobra TPEF ta cay bou su responsabilidad, ta dicidi cu e ta bay haci tur cos, e ta bay  pinta mapa, e ta bay ehecuta.
Pues un parlamentario ta pone riba papel cu nada por sosode dilanti di su cas, e minister kier bay ehecuta e proyecto y ora cu e minister di infrastructura a bin na turno, ta bira haci e pregunta na e minister cu un dia prome el a pasa un mocion cu eynan no por bin nada mas  y kico ta su plannan.
E ta bay ehecuta e mocion y aki e minister ta reacciona bisando cu nan tin un plan  caminda probablente tin cu hala e caminda, pero un dia prome e minister di TPEF ta bisa cu no, cu nan lo no hala e caminda, ta pasa un mocion y no ta hala ni  pone nada, pa un dia despues minister di infrastructura bisa cu si ta bay hala e caminda, kisas mita so y cu e lo no yega cerca di e cas di e parlamentario aki.
Minister di infrastructura a mustra cu esaki mester ta den e ambiente di Linearpark, pues kioskonan ta bay bin na e sitio, problemente ya tur hende sa cual comerciante ta bay haya esakinan y cu esaki mester ta den e geest di Linearpark y cu kioskonan lo bin na Malmok tambe.
Minister di infrastructura a señala cu e plan no ta cla ainda y aki nos por mira con un dia prome cu e minister di TPEF ta bisa cu e tin un plan cla pa ehecuta pero minister di infrastructura ta bisa cu e plan no ta cla ainda.
Pues dos minister cu dos plan y un parlamentario cu ta defende loke e mes a pone dilanti di su cas riba tereno di  gobierno y aki nos por mira con dos minister no por yega na un  coordinacion indeal pa e plan aki y un parlmentario cu ta insisti pa pone su interes personal dilanti di e interes general di pueblo,” Parlamentario Benny Sevinger a mustra.