fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Tin parlamentario mester wak den nan coalicion promer cu critica otro den asunto di quorum

Mervin Wyatt-Ras durante conferencia di prensa a contesta parlamentario Vrolijk cu mester pensa y lesa promer cu e papia y punta dede encuanto e asunto di quorum den Parlamento. Segun parlamentario Wyatt-Ras oposicion mester duna quorum na nan. Cada miembro di parlamento mester carga nan responsabilidad. Den reunion dia 20 di februari ultimo encuanto supervision financiero y e protocol cu minister di Finanzas a firma sin consulta cu Parlamento y pa cual ela haya un brevet van onvermogen dor di coalicion, Wyatt-Ras a cuestiona falta di presencia di e minister durante parti di e reunion. Si e minister tin prioridad pa e asunto financiero cu ela hinca Aruba den un crisis financiero y social, e mester tabatey henter reunion. Tambe Wyatt-Ras a senjala na un dado momento cu tabatin solamente 10 miembro di coalicion presente na reunion y cu e mes hunto cu coleganan di fraccion di AVP mester a keda den sala pa e reunion por sigui. Kiermeen fraccion di AVP ta haci su trabou.

Wyatt-Ras ta splica reglement van orde di Staten ta regla den articulo 25 te cu 27 e quorum. Articulo 25 ta indica cu presidente ta habri e reunion ora cu mas di mita di miembronan di parlamento a firma lista di presencia. Articulo 26 ta stipula kico ta haci ora no tin quorum na comienso di e reunion y cu e ora ey tin cu menciona tur nomber di parlamemtarionan y wak ken tey y ken no tey y si resulta cu menos cu mita di e parlamentarionan no ta presente mester verdaag e reunion y yama den 4 dia di trabou. Tin cu traha un procesverbaal. Articulo 27 ta indica kico pa haci ora tin falta di quorum durante cu e reunion ta andando. E ora mester chek cual miembronan tey y nota y si constata cu tin menos cu mitar di e total di parlamentarionan lo mester verdaag e reunion y yama esaki bek dentro di 4 dia di trabou. Pues mester tin mayoria presente pa tene reunion. 

Segun Wyatt-Ras e y su coleganan dia 20 di februari tabatey pa reunion pero mesun miembronan di coalicion no tabata completo na reunion. Vrolijk mester wak den su cura promer cu wak di otro. E mester wak pa nan ta voltallig. Nan no tabata ni suficiente miembro ora a vota riba nan mesun mocion. Aki por constata cu Vrolijk ta critica otro mientras e tin cu bai serca su coleganan di coalicion pa puntra unda nan ta of unda nan a bai. 

Wyatt-Ras semper a cumpli cu su deber como parlamentario. Wyatt-Ras a bai varios reunion den ultimo tempo den cual 2 miembro so di coalicion ta show up na reunion. Esaki Vrolijk mester wak tambe pa bai serca nan y puntra unda nan a keda. Envez di vigila ken a bin traha e dia cu porfin e mes ta keda un dia na trabou e mester bai chek su coleganan mes. E mester wak e balki den su propio wowo prome cu wak e splinter den wowo di otro. Ademas e mester bai wak den pasado unda e mesun ministernan cu antes tabata parlamentario no tabata bin reunion publico pero tabata manda busca cuminda. E mester informa si mes mihor promer promer cu critica otro segun Wyatt-Ras. E mester zorg cu e y su fraccionnan den coalicion por duna e bon ehempel y no manda huma pa desvia tur hende di e realidad cu tin miembronan ta keda si bin reunion paso nan no kier vota pa loke e gobierno ta bin cun’e of pa nan no sostene nan propio coleganan. Vrolijk tin hopi huiswerk pa haci promer cu e cana critica un parlamentario manera Wyatt-Ras.