fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Tienda di ley: Tin Reparatietoeslag riba bo payslip?

Tur empleado priva cu ta ricibi un salario menos di 2500,- == pa luna tin derecho riba reparatietoeslag.  Reparatietoeslag ta un suma cu pa ley un empleado den sector priva ta ricibi riba nan salario, pa asina compensa pa perdida di poder di compra. E fenomeno aki a wordo introduci pa Gabinete Mike Eman I na aña 2011. Tur empleado priva  por mira e suma cu nan ta ricibi na reparatietoeslag riba nan payslip.  Tur empleadonan pa ley tin e derecho pa ricibi nan payslip for di nan doño di trabao, asina nan por mira e componentenan di nan entrada.

E doño di trabao tin e tarea conforme articulo 4 di e landsverordening reparatietoeslag pa asina paga e reparatietoeslag na e empleado. E proceso ta lo siguiente, e doño di trabao ta paga e reparatietoeslagna e empleado y e doño di trabou na su turno ta deduci e suma aki for di e suma cu e la retene na loonbelasting riba e salario di e empleado. E structura aki ta percura cu e suma cu empleado ta ricibi na reparatietoeslag ta wordo financia pa Gobierno di Aruba. 

E empleado pa ley lo mester ricibi riba su salario na reparatietoeslag di Afl. 100,== pa esnan cu salario mínimo te na Afl. 50,== pa esnan cu un salario di Afl. 2500,== pa luna. Es decir Afl. 1200,== pa anja pa esnan cu salario mínimo y Afl. 600,== pa anja pa esnan cu un salario di Afl. 2500,==. Si tin por ehempel dos persona cu salario mínimo den un hogar nan ta haya Afl. 2400,== pa anja. Entre salario mínimo y Afl. 2500,== e reparatietoeslag ta worde calcula pro-rata.  

Reparatietoeslag ta un derecho di cada empleado priva cu ta gana menos cu 2500,- florin pa luna. Articulo 5 di landsverordening reparatietoeslag, ta indica cu na momento un empleado identifica cu e no a ricibi reparatietoeslag of a ricibi di menos, e tin derecho pa entraga un keho na e departamento di impuesto. E ta recomendabel pa acerca e doño di trabao cu e peticion pa cumpli cu pago di e reparatietoeslag. E empleado tin e derecho pa reclama cu forsa retroactivo e suma cu e no a ricibi na reparatietoeslag. Na momento e doño di trabao no reacciona of cumpli cu e pago di reparatietoeslag, nos ta conseha pa utilisa e derecho pa entraga un keho formal ancra den articulo 5 di landsverordening reparatietoeslag. 

Tienda di ley ta conseho nos empleadonan priva cu ta gana menos di 2500,- pa luna pa revisa nan payslip den e luna nan anterrior, pa asina identifica si nan a ricibi nan repartietoeslag.  Si esey no ta e caso tienda di ley lo asisiti nos empleadonan priva den formula y redacta carta pa doñonan di trabou of departamento di impuesto si acaso lo mester entrega un keho formal. Tienda di Ley ta habri tur Diasabra di 3or pa 5or na Cas di Partido AVP na Playa. Juristanan gradua y studiantenan avanza lo atende nos comunidad sin costo.