fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Ta importante pa Aruba su red tecnologico keda up-to-date cu avansenan internacional

Recientemente sra Arends-Reyes a atende e conferencia organisa pa ATA (Aruba Tourism Authority) den cuadro di Dia internacional di Turismo y e tema di e aña aki tawata Turismo y e transformacion digital. Durante e mainta aki tur presente a ricibi informacion valioso tocante e desaroyonan den e mundo di Turismo y alavez algun tips cu Aruba como destinacion mester tuma na serio. Den e mundo tecnologico tin hopi avanse y Aruba como destinacion mester percura pa nos keda up-to-date cu por ehempel e red di internet cu un speed di internet superior cu lo ta den demanda awor cu ta LTE + (Long Term Evolution plus) como base di diferente otro desaroyo pa habri caminda pa 5G den futuro. 5G lo ta exihi inversionan pero lo ta necesario pa innovacionan pa Smart houses/cities pero tambe e desaroyo di IoT cu ta the internet of things, caminda cu telefonan lo tin connecion cu sensornan di aparatonan por ehempel. Un internet cu ta cai cada biaha of cu ta ‘slow’ na momento di download, locual mester pa diferente programa of aplicacion nobo simplemente lo ta hopi frustrante pa e bishitante y consumidornan local. Skolnan desde varios aña caba ta trahando cu Digiboards y Smartboards incluyendo e skol basico cu ta bai bira un smart school awo pues innovacion den diferente sector no a cuminsa na 2017. Locual si mester sigui traha riba dj’e ta internet stabil y cu speednan halto cu ta factornan importante pa entre otro skolnan, lugarnan turistico y demanda di turistanan cu ta custumbra cu tecnologia como parti di nan bida diario por funciona optimalmente. Alaves mester traha diligentemente ariba mas desaroyo concreto pa FinTech cu ta tecnologia den e mundo financiero man den man cu regulacionan, seguridad y legislacion. Asina tambe mas tienda na Aruba por tin tiendanan fisico pero tambe online pa facilita locual ta e ‘e-commerce’. Aruba como pais chikito pero alaves moderno y cu durante transcurso di añanan a haña hopi upgrading y promocion pa ta un pais den progreso no por para keto awor cu tur e avansenan cu tin sra Arends-Reyes ta termina bisando.