fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Si bo no mester sali #kedacas!

Reaccionando riba e yamada di expertonan y autoridad pa tuma medidanan di precaucion den cuadro di e coronavirus (COVIS-19), Parlamentario pa fraccion di AVP, Sr. Richard Arends a para keto riba nos obligacionan civico pa asina por yuda contene e expansion di e virus aki den nos coumindad. Den un mensahe riba su pagina di Facebook e parlamentario a subraya cu Aruba ta experienciando accionan cu ta hasiendo un cambio sin precedente den nos bida cotidiano.

“Hunto cu mi coleganan di fraccion nos ta urgi tur hende pa sigui e instruccionan di expertonan y autoridad riba tereno di higiene, distanciamento social y pa evita cualkier tipo di aglomeracion. Esaki ta nos deber como ciudadanonan y nos mester cumpli cun’e. Aworaki Aruba mester ta mas uni cu nunca,” e la bisa. 

Parlamentario Arends a gradici di esnan den e prome liña – esnan prome yama pa brinda asistencia y ayudo – dokternan, enfermeronan, esnan den orden publico y tambe voluntarionan cu tin biaha ta pone nan salud den riesgo pa yuda esnan di mas vulnerable. Tambe e la para keto un rato na esnan cu ta sintia e efectonan mas directo; esnan traha den turismo y horeca, pero tambe comercio en general, manera empresanan mediano y chikito y esnan cu ta traha independientemente. Den su mensahe e la sigura cu Aruba lo sa di bons bek mas fuerte cu nunca di e mal tempo aki. Sr. Arends a hasi un suplica ta e ciudadanonan pa cuida otro manera un famia, especialmente esnan di mas vulnerable, nos grandinan, enfermonan y nos muchanan.

“Nunca antes nos libertad pa move unda cu nos kier y ki ora cu nos kier a wordo limita di e manera aki. E ta un sacrificio cu nos tur ta hasi. Ban compromente nos mes pa limita contagio pa nos bida normal y economia por start di nobo mas pronto cu ta posible.” Sr. Arends a finalisa bisando: “Si bo no tin nada di hasi riba caya, keda cas!”. Di es manera aki fraccion di AVP tambe a uni su mes na manda un mensahe cla pa yuda combati e expansion di e COVID-19.