fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Reunionnan den sala di parlamento ta carece profesionalismo

Fraccion di Partido AVP a yama un reunion publico diaranson ultimo cu na final a bira un “bijeenkomst” den Parlamento. Ta bibando hopi preocupacion den enseñansa general riba nos isla na e momento aki. Detayenan a bin dilanti di parti di Minister Rudy Lampe mientras fraccion di AVP a keda vigila bienestar di educacion riba Aruba.

Parlamentario Michael Lampe a bisa cu for di e contestanan di e Minister, por a conclui cu e lo procede cu su plannan sin tene cuenta cu consecuencia. A haci un apelacion pa e reconsidera y dialoga cu esunnan den e mundo di enseñansa.

Innovacion y cambio semper ta bonbini pero enseñansa mester di atencion debido y pa esaki ta importante con ta atende cune pa mira si e ta acopla/conecta cu e necesidadnan cu tin den enseñansa.

A tuma nota tambe di hopi wega politico cu ta tuma luga den parlamento. “Pa yega na un nivel di discucion mas fructifero pa tur hende, mester stop di punta dede”. Na momento cu cuestiona maneho ta pone un label berde y pone partido AVP tras di malcontento general. No ta alcaso y no ta e punto di bista pa atende cune den reunionnan caminda tin profesionalnan den sala. Tin cu atende den forma neutral y profesional mientras preguntanan serio ta bin dilanti riba educacion di nos pais.

Pa finalisa Michael Lampe a bisa cu e fraccion di AVP a haci su best y a para pa esunnan den veld cu ta preocupa riba nan situacion actual. Tur cos ta keda den man di Minister y e Gobierno aki awo.