fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Reunion na Cas di Partido dialuna 7 or di anochi: Accion legal contra cuenta exorbitante

“Hopi di e aumentonan exorbitante di coriente por a worde evita si Gabinete Wever-Croes a hedge y a sigui cu e programa di expansion di energia renobabel. Esaki ta muestra di negligencia di parti di Gabinete Wever-Croes y Utilities Aruba N.V. E negligencia aki por ta e base pa entama un caso legal contra di e aumento barbaro di coriente cu pueblo ta worde asota cune. Pa delibera riba esaki partido AVP ta organisa un renion caminda expertonan di ley di partido y externo lo informa esnan presente di e opcionnan cu tin pa bringa e aumento exorbitante aki di coriente, e lider di AVP, mr. Mike Eman a informa.

OPCIONNAN CONTRA CUENTANAN EXORBITANTE

Dialuna anochi pa 7’or na Cas di Partido ta invita tur esnan cu ta interesa pa yega cu nan cuenta di ultimo luna y esun anterior pa delibera cu e panel di expertonan kico ta e pasonan cu por worde tuma. E opcionnan cu ta bai worde delibera riba dje ta: 1. Si tin un forma pa laga corte concidera e aumento exorbitante aki como un accion impugna cu e cautela (zorgvuldigheid) cu un compania di estado tin cu tene na cuenta na momento di tuma decision ariba un nececidad asina basico manera coriente; 2. Tambe tin e opcion pa colectivamente exigi un areglo di pago pa tur ciudadano cu no por paga e cuentanan exorbitante. Ambos opcion ta bai worde delibera cu presentenan y expertonan legal den panel.

PRECEDENCIA INTERNACIONAL

Na Inglatera tin un instituto (OFGEM) cu ta supervisa y regula e tema di energia pa cuida interes di e comunidad. Den cierto sentido e ta algo comparabel cu Utilities Aruba N.V. E a worde institui dor di Parlamento pa supervisa e companianan di electricidad na Inglatera. Un di nan tarea principal ta pa vigila e tema di energia pa esaki keda pagabel pa esnan di menos recurso y tambe pa e ta mas limpi y berde posibel: to protect energy consumers, especially vulnerable people, by ensuring they are treated fairly and benefit from a cleaner, greener environment”.

Algun instancia di proteccion di consumidornan na Inglatera na e momentonan aki ta contempla di hiba OGFEM corte pa negligencia di nan tarea. Nan ta bisa entre otro: “The announcement today will devastate families. Just who and what is Ofgem for? Do not be fooled. This is a choice. And the choice they’ve made is to let low-income consumers and small businesses bear the brunt of this crisis. We believe Ofgem can, and should, do more. We intend to put the question before the High Court, and will ask for a fast-tracked timeline to reflect the urgency of this crisis.”

E base di e accion legal ta cu OGFEM mester a haci mas pa proteha esnan di menos recurso. Manera na Aruba, Gabinete Wever Croes/Utlities mester a duna WEB e permiso pa hedge manera nan a solicita.  

E accion legal na inglatera ta focus riba dos argumento:

Ofgem has the power to do more to protect vulnerable people and, before raising the cap, we believe Ofgem is legally required to:

  • provide evidence it has carried out a proper impact assessment
  • consider appropriate mitigation measures for the most vulnerable, including a lower social tariff.

E situacion na Aruba ta similar y hasta peor. E rol cu Gabinete Wever-Croes/Utilities a hunga den para hedging y para 5 anja pasa e desaroyo pa Aruba a sigui incorpora energia berde cu ta independiente di e prijs di petrolio. 

E accionan internacional aki, e lider di AVP, mr. Mike Eman ta splica ta mustra similiaridad cu e situacion na Aruba, cual comparacion y similaridad ta haci e evaluacion di un accion pa proteha consumidornan na Aruba tambe mustra di ta algo no unicamente necesario, pero posiblemente tambe viable. Tur esnan interesa ta worde puntra pa ta na Cas di Partido Dialuna pa 7’or di anochi.