fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Raad van State a confirma awo locual AVP y varios otro persona a bisa casi un aña pasa

Ta incorecto pa trapa derecho di e paisnan manera cu Hulanda y Evelyn Wever Croes a bin ta haciendo, caminda cu Hulanda a forsa e islanan pa acepta e condicion di CHE cu despues a bira COHO. 
Gobierno a monta un show pa haci como si fuera ta duna participacion na otronan dor di organisa reunion caminda ta bisa kico ta bay acorda cu Hulanda. 
Tur cu a ofrece pa un participacion real y para hunto cu gobierno pa Aruba, a wordo insulta y demonisa y awe kier culpa otro pa e debacle aki.
Awe kier acusa AVP di no a participa mientras cu den Parlamento den forma hopi cla, AVP a expresa nos desacuerdo cu gobierno riba e asunto aki.
Nos ta compronde cu Hulanda no ta confia gobierno pasobra ta nan mes a priminti Hulanda pa corta gasto den AZV y no a cumpli, a priminti di baha gasto di personal y a aumenta esaki cu 100 miyon nombrando famia y bon amigonan.
Tur e erornan aki nos a mira y nan por hustifica medida contra e gobierno actual pero hamas por hustifica kitamento di autonomía di un pueblo y limitacion di e institucion democratico cu ta Parlamento.
Ta facil pa uza placa cu ta bin pa yuda pueblo, pa haci propaganda pa purba drecha imagen di gobierno y asina por traha pamfleta, t-shirt propaganda ta otro intento pa tira santo den wowo di pueblo pero esaki no por tapa e hecho cu gabinete Wever Croes a faya y cu lo tabata mucho mas elegante si gobierno lo admiti esaki.
Hulanda no tin intencion di cambia su postura pasobra nan no ta lamenta cu nan ta viola reglanan di Statuut y e unico cos cu nan ta lamenta ta cu e informacion a sali den publicidad.
E posicion di gobierno di Aruba no ta mustra di ta hopi diferente cu esun di Hulanda tampoco, pasobra ainda nos por corda con a sconde informacion pa nos y te dia di awe nos no tin tur detaye di e palabracionnan entra gobierno y Hulanda.
Un lider honesto y cu integridad, lo admiti ora cu e faya y Prome Minister Evelyn Wever Croes ta bay cumpli cuater aña sin percura pa cumpli cu ningun promesa di campaña cu el a priminti pueblo y ta tuma un lider pa admiti cu el a faya

Leave a Reply

Your email address will not be published. Required fields are marked *