fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Prome Minister no por sconde tras di Putin mas

Practicamente tur dia prijs di petroleo ta bahando riba mercado mundial y segun miembro di fraccion di AVP, Arthur Dowers,  e momento a yega cu Prome Minister Evelyn Wever Croes, no por uza Putin como excuus mas.

“Pa mas cu dos aña caba, Prome Minister y lider di MEP pa tapa e mal maneho di su gobiernan, a uza tanto e pandemia di covid como e guera na Ukraina, como motibonan cu Aruba ta confrontando problema serio cu su finansa publico.

Constantente, tanto den declaracionnan pa pueblo di Aruba como den negociacionnan cu CAft y gobierno Hulandes, pandemia y nomber di Putin ta cay como capa pa sconde e mal maneho di su gobierno pa casi cinco aña caba.

Sinembargo pandemia ta tras di lomba y e impacto di e guera riba prijs di petroleo riba mercado mundial ta cambiando constantemente loke ta pone cu Evelyn no tin mas excuus pa sconde su tras y e momento di berdad a yega.

Mientras cu pueblo ta wordo confronta tur dia c’un inflacion rigoroso, sumamente fuerte caminda pueblo tin retonan financier hopi grandi, gabinete Wever Croes no tin pueblo na consideracion, no tin solucion pa e problemanan aki cu ta afectando miles di nos conciudadanonan.

Ta bon pa mustra aki tambe, cu mientras cu Prome Minister y su gobierno a sconde tras di aumento di prijs di petroleo cu lo ta un di e motibonan cu tin cu introduci medidanan manera aumento di BBO pa 7%,  ta un hecho cu gobierno di Aruba a saca gran probecha financiero di e  aumento di prijs riba mercado mundial.

Tanto pa medio di accijns cu a wordo introduci na 2018 caba como awor cu impuestonan directo y indirecto,  gobierno di Evelyn a haya miyones adicional den caha pero  pa duna pueblo algo bek di e e placa aki, esey nunca a sosode.

Mesun cos a sosode cu e industria turistico, cual a conoce un recuperacion increibel, cu sin duda a bira e factor mas importante di e recuperacion economico te cu awor despues di e pandemia pero tur e extra entrada aki, no ta ser uza pa alivia e presion financiero riba cartera di pueblo.

E placa ta bay pa tapa buraconan den finansa publico, resultado di un mal maneho di gabinete Wever Croes, cu semper a percura pa su hendenan, pa su amigonan lagando pueblo mes un banda.

Aumento di prijs di gasolin tambe a percura pa extra entrada pa caha di gobierno pero esaki tampoco lo beneficia pueblo di ningun manera  pero e placa a bay pa financia un maneho di un gobierno cu semper a uza tur tipo di excuus barata pa no yuda pueblo den su momentonan dificil.

Awor cu  gobierno no por uza pandemia y Putin mas como excuus pa su maneho horibel, awor ta papia di retonan  grandi cu Evelyn ta bisa cu su gobierno tin pa atende, loke ta nifica cu pueblo por wel lubida di ricibi ayudo for di su gobierno,” Parlamentarioo Arthur Dowers a declara.

Leave a Reply

Your email address will not be published. Required fields are marked *