fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Plataforma Hobennan Profesional: Tienda di Ley ta bek!

Diasabra dia 17 di Juli, E proyecto “Tienda di Ley” a start sali bek cu asistencia huridico di tur diasabra na Cas di Partido.

Tienda di Ley ta un proyecto cu ta cay bou di Plataforma Hobennan Profesional cual ta un division di Partido AVP caminda hobennan profesional cu un curason humilde y agradecido ta reuni y brinda diferente asistencia huridico na nos comunidad. E proyecto aki a cuminsa na aña 2018 cu un esfuerso colectivo di varios hoben comprometi y motiva pa sirbi e comunidad y e acogida tabata hopi bon. Den aña 2020 pa motibo di e pandendia mester a para e servicio aki pa publico  temporalmente pa asina por cumpli cu protocol nan di DVG. 

Plataforma Hobennan Profesional kier informa e comunidad cu Tienda di Ley lo ta habri bek pa publico tur diasabra for di 3:00 PM te cu 5:00 PM na Cas di Partido Playa. 

Leave a Reply

Your email address will not be published. Required fields are marked *