fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Perspectiva 2022: Nos a drenta aña nobo cu (ainda) hopi incertidumbre nos dilanti

Ainda nos ta den e gara di e efecto nan di pandemia y su consequencia pa nos salud, nos economia y hasta den cierto aspecto di nos libertad nan. Aruba mescos cu e resto di mundo ta cosechando e fruta nan di decision nan tuma na 2020 y 2021.

Loke nos por a siña di realidad nan di 2020 y 2021 ta cu den tempo dificil bon liderasgo to essencial! Ora mi papia di Liderasgo mi ta referi na Lider nan cu ta inspira y uni un pueblo pa un causa comun (bienstar general). Lidernan cu character, transparente, cu conviccion y cu semper ta pone interes di pueblo na prome lugar. Individuo nan cu ta ta stima hende y ta pone interes general prome cu interes propio of interest di partido.

Simpelmente bisa Aruba mester di Lider cu ta stima y balora su pueblo. Un representante cu realmente lo representa pueblo y protecha e interes di pueblo.

Mi ta conciente cu e reto nan nos dilanti ta compleho y cu decision nan cu mester wordo tuma no ta decision nan facil. Pesey ta importante pa tin liderasgo competente cu ta cumpli cu e criteria ariba mencion.

Pueblo ban uni y demanda liderasgo berdadero na 2022 cu lo por rescata Aruba for di e gara nan di engaño, desapunto y falta di direccion.

Mi compromiso cu mi pueblo na 2022 ta pa sigui traha na bienestar di e pueblo di Aruba. Traha den transparencia y claridad pa asina hunto cu pueblo nos por yega na mihor solucion.

Decision nan cu mi tuma lo wordo tuma cu integridad, transparencia, sentido comun y cu reverencia pa Dios y cu amor pa e bienestar di e pueblo.

Finalmente mi kier desea henter Pueblo di Aruba un 2022 yena cu Speransa

Leave a Reply

Your email address will not be published. Required fields are marked *