fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Green Walk y Bike Tour a domina diadomingo atardi

Considera como un di e anfitrionnan di e actividad teni ayera, candidato pa partido AVP Paul Croes a expresa di manera hopi cla e satisfaccion cu el a sinti di mira con henter pueblo di Aruba a tende e yamada haci dor di partido AVP. “E ta un satisfaccion hopi grandi pa nos pa mira atrobe cu partido AVP ta organisa un evento di e magnitud aki y boso ta responde na nos.” E partido berde a movilisa ayera atrobe miles di persona den nan Green Walk Noord cu a inclui tambe un bike tour.

Paul Croes a gradici tur esnan cu a haci di e ‘celebracion deportivo,’ un exito. El a yama danki na tur boluntario, cuerpo policial, miembronan di partido y simpatizantenan. “E ta haci mi mas contento pasobra e ta den mi pueblo natal di Noord.”  Despues di esey el a yama su coleganan candidato y lider di Partido AVP, Mike Eman bon bini na e Cas di Partido di e districto cu tin como sede atrobe e edificio conoci como Rio Grande den curazon di Noord.

E candidato hoben di partido, pero di gran experiencia como e actual Presidente di Parlamento, a contagia e publico cu su animo y emocion.  “Hunto nan a los un grito di ‘Bon Trabou’ cu el a pidi y logra pa resona for di Noord te Santa Cruz, Playa y San Nicolas. Tambe a comparti cu e masa di hende reuni diadomingo atardi cu ta nan hunto cu e liderazgo di Mike Eman a pone e partido caminda cu e ta awe. El a menciona con na 2001 e partido aki tabatin 6 asiento, na 2005 el a sali bay di 6 pa 8 asiento; y na 2009 el a crece di 8 pa 12 asiento.

E actividad sin duda algun a resulta den un exito caminda mucha, hoben, adulto y te hasta grandinan a bini hunto pa move y promove un bida saludabel. Esey ta e mensahe principal cu semper Partido di Pueblo Aruba a hiba como bandera. Na final di e caminata y bike tour, e ambiente hopi agradabel a continua cu presentacion di banda y Dj’nan riba cual hendenan a sigui move.  “Mi ta gradici cada un cu a sali awe di nan cas pa e apertura di Cas di Partido Noord hunto cu e grandioso Green Walk,” Paul Croes a finalisa bisando.

DSC_0354 IMG_5488