fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Partido AVP a yena mas di 700 documento di inkomstenbelasting

Partido AVP a organisa dos biaha e evento di yenamento di documento di inkomstenbelasting, unda cu hopi persona a yama y haci cita ricibiendo e asistencia di boluntarionan capacita di partido AVP cu a sirbi pueblo un biaha mas cu dedicacion na Cas di Partido. E demanda pa yenamento di documento di inkomstenbelasting di comunidad tabata uno halto y pa e motibo aki partido AVP a sigui brinda nan servicio di yuda comunidad cu nan documento di inkomstenbelasting.

 

Partido AVP a yuda mas di 700 persona cu a hiba nan documento cerca nan e aña aki. A haci diferente sesion pa por a yuda mas di 700 persona, kendenan tur tabata agradecido y contento cu e yudansa ricibi. Pa por a facilita tur hende cu tabata desea asistencia di Partido AVP, tur dia hendenan por a yama na Cas di Partido unda tabata tuma nomber y e dia desea y orario pa por a pasa.

 

Parlamentario Candelaria ta sumamente contento di por a participa pa prome biaha den e organisacion di yudansa di yenamento di documento di inkomstenbelasting. E dedicacion di tur miembro y staf di Partido AVP tabata grandi, pasobra no solamente a yena e documentonan durante oranan di sesion. Dianan cu no tabatin sesionnan, a sigui yena documentonan di esunnan cu a pasa laga nan cerca e staf di Cas di Partido AVP. Partido AVP ta clausura e yudansa e aña aki y lo anuncia despues kiko e schedule ta pa brinda nios servicio otro aña.

 

Parlamentario Candelaria ta gradici cada miembro di Partido AVP cu a dedica nan tempo boluntariamente na yuda comunidad yena nan documento di inkomstenbelasting. Tambe na tur esunnan cu a presenta na Cas di Partido ta gradici nan pa confia y haci uzo di e yudansa di e miembronan di Partido AVP.

 

 

FIN