fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Parlamentarionan di MEP ta desaproba maneho di nan Gobierno

Pa un luna caba tin un bay bin entre gobierno di Aruba  y Parlamento pa locual ta e decisión di gobierno pa loke ta cortamento den gasto di salud publico.

Arthur Dowers di fraccion di AVP kende ta an Bonaire e dianan aki pa reunión di IPKO, ta mustra cu Minister Presidente demisionario Evelyne Wever Croes na varios ocasion a purba di laba man di e medida serio aki.

El a mustra cu hasta e lider di MEP  a purba gaña pueblo,  cu ta Hulanda a manda corta gasto di cuido di salud na Aruba pero esaki a pone cu Raymond Knops a reacciona mesora, mustra cu  esaki ta un mentira flagrante.

Loke ta un hecho si ta cu Premier y lider di MEP Evelyn Wever Croes, a dicidi di para e medidanan temporal pa loke ta remedi cu pueblo mes tin cu paga awor, ya cu e tabata den pleno campaña electoral y esaki no tabata bon pa su popularidad.

Awor dialuna den reunion di IPKO na Bonaire, su parlamentarionan ta informa tur presenta cu definitivamente lo bay sigui  corta den cuido medico y hasta a sugeri cu cu salubridad publico na e momentonan aki, ta na e nivel di mas malo den historia di Aruba.

Loke ta haci e situacion ainda mas serio ta e hechu cu ta tristo cu e mal maneho aki ta tumando  luga den pleno pandemia di covid 19 loke ta mustra cu e lider di MEP no ta tene consideracion cu esunnan di poco entrada y debil di salud.

“Awe no ta nos di AVP so ta bisa esey pero awe parlamentarionan cu ta sostene gobierno demisionario y e proximo gobierno nobo, ta admiti cu na Aruba gobierno a caba cu nos cuido medico y ta un menasa pa bida di nos comunidad,” Parlamentario Arthur Dowers a declara.

Leave a Reply

Your email address will not be published. Required fields are marked *