Loke premier Wever-Croes no a splica pueblo ta cu den e grupo di 300 mama y tata di famia tin un cantidad grandi cu no necesariamente ta cay bou di un profiel di coordinador.
Tin un grupo grandi cu ta resorta bou di departamentonan specifico y cu ta laborando mas cu 3 – 4 aña den aparato gubernamental.

Un di e ehempel nan aki ta e departamento di Bo bario. E departamento aki tawata eherce un rol importante ora di colecta informacion di barionan cu tin cierto deseonan di mehoracion. E la wordo institui y un ‘formatierapport’ a wordo traha diligentemente. E landsbesluit corespondiente tambe a wordo firma y e proceso a wordo finalisa prome cu eleccion.

Un lista di esunnan cu ta traha y ki tipo di trabou nan ta eherce tambe tawata parti di e procedura. Awe ta resulta cu premier Wever-Croes a dicidi di kita hendenan di trabou sin cu e a elabora riba tur e proceso aki. Akinan bo ta wak cu e sed di vengansa y persecucion pa kita esunnan di AVP y laga nan sin pan riba mesa ta asina grandi cu a ignora tur e documentonan cu ta substancia e derecho di existencia di Bo Bario y e derecho pa esunnan cu inhustamente a wordo kita pa tin un trabou pa cria nan famia.

Sr. Melvin Tromp a enfatisa cu lo no descansa ni para pa expone e abuso- di e burdugunan di Gabinete Wever-Croes contra di esunnan humilde den nos comunidad.