fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Mocion di desconfiansa contra Minister presidente Evelyn Wever-Croes

MOCION

Parlamento di Aruba den reunion publico no. 22 riba dia 4 di april 2022 tratando e presupuesto di Pais Aruba 2022. 

CONSIDERANDO CU

–           Ministro Presidente Evelyna Wever-Croes den su capacidad di Minister di Energía a delinea y ehecuta un maneho di energía sin informa Pueblo y Parlamento di e contenido di e maneho aki ni su consecuencianan a corto y largo plaso;

–           Ministro Presidente Evelyna Wever-Croes den su capacidad di Minister di Energía a prepara c.q. habri caminda pa e deal cu Eagle LNG sin informa Pueblo y Parlamento encuanto motibo pa scohe pa mara WEB Aruba N.V. na un fossil fuel (esta gas) pa binti aña pa medio di un contract biyonario y di e manera aki impedi pa Aruba por haci un transicion pa fuentenan di energia renobabel;

–           Minister Presidente den su capacidad di Minister di Energía a declara literalmente y sin nuancering cu e director general y e director financiero di WEB Aruba N.V. a comete “financieel wanbeheer”(bijlage 1, p. 1). Minister di Husticia di Hulanda a yega di elabora extensamente cu e sistema legal conoce suficiente medida pa aplica man duro riba “financieel wanbeheer” (bijlage 2). Como minister cu tambe tabata encarga cu Integridad y cu ademas ta un hurista e Minister Presidente mester a sa cu nos sistema legal tin e hermentnan aki pa trata cu “financieel wanbeheer”. Obviamente e Minister Presidente ta engaña Parlamento en bista cu conseheronan legal di WEB N.V. a conseha pa yega na un areglo cu e directornan cu pa colmo a resulta den un golden handshake cu hush-money pa e directornan (bijlage 1, p. 4).

–           Minister Presidente den su capacidad di Minister di Energía a permiti den cuadro di WEB N.V. pa reemplaza e directornan menciona pa e swa (zwager) di e Minister Presidente, señor Serapio “Laty” Wever, bao di e pretexto cu e Minister Presidente no tabata tin ningún influencia den e proceso aki;

–           Minister Presidente den su capacidad di Minister di Energía a permiti den cuadro di UTILITIES N.V. pa nombra ex parlamentario pa fraccion di MEP, Ton Royer, cu ademas ta casa c.q. pareha di e consehero di Minister Presidente, señora Joally Croes, bao di e pretexto cu e Minister Presidente no tabata tin ningún influencia den e proceso aki;

–           Minister Presidente den su capacidad di Minister di Energía a permiti den cuadro di RDA N.V. pa nombra su primo (volle neef), Juni Croes como President-Commissaris, bao di e pretexto cu e Minister Presidente no tabata tin ningun influencia den e proceso aki;

–           Minister Presidente den su capacidad di Minister di Energía a permiti e bufete di abogado di su tata bira un di e principal conseheronan legal di UTILITIES Aruba N.V., WEB Aruba N.V. y RDA N.V., o sea companianan cu ta cay bao di e responsabilidad di e minister di Energia como representante di e solo accionista den RDA N.V. y UTILITIES Aruba N.V. cual ultimo alabes ta e moedermaatschappij di WEB Aruba N.V., esaki tambe bao di e pretexto cu e Minister Presidente no tabata tin ningún influencia den e proceso aki;

–           e Minister Presidente di e manera aki a permiti surgi un situacion cu ta crea desconfiansa den integridad di gobierno, creando por lo menos e apariencia di faboritismo y nepotismo;

–           e Minister Presidente di e manera aki a permiti surgi e impresion cu Minister Presidente ta gaña encuanto “financieel wanbeheer” y cu a duna Golden handshakes na directornan di WEB N.V. pa ningun otro motibo sino pone personanan acerca na e Minister Presidente den posicionnan clave pa por realisa e deal biyonario cu Eagle LNG;

–           e falta di transparencia y e insinuacion cu e Minister Presidente den ningun forma ta envolvi den nombracionnan dudoso di personanan acerca na e Minister Presidente ta trece un incertidumbre enorme encuanto e Integridad di Gabinete Wever-Croes I y II. 

–           e Minister Presidente sin consulta cu gremio a palabra cu Hulanda pa corta 12.6% den bezoldiging di ambtenaarnan a cambio di sosten di likides; 

–           e Minister Presidente a formalisa por escrito día 23 di juni 2021 conclusion y sugerencianan hasi door di landsbemiddelaar pa cu e solucion pa SKOA den comision CORS metiendo den cartera di Minister di Enseñansa;

–           e Minister Presidente a acorda ehecucion di un bezuinigingsplan, prepara door di UOAZV, den Ministerraad y cu a ser entrega na CAft causando un recorte di 5 miyon pa luna den salubridad publico, sin cu consulta a tuma luga cu e sector;

–           Locual ta kibra e confiansa ainda mas ta e hecho cu e Minister Presidente tabata responsable pa Integridad.

TA DICIDI

–           Pa pone un fin na e confiansa cu Parlamento tin den Ministro Presidente, pa motibo di falta di transparencia, e apariencia di nepotismo y favoritismo cu un pa un ta un violacion di integridad y maneho responsabel,

Y ta pasa pa orden di dia.