fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister no por crea mas caos den e caos cu ya tin den cuerpo policial

Parlamentario pa fraccion di AVP, sr Robert Candelaria, ta mustra cu despues di un evaluacion di e prome 100 dia di gobernacion di gobierno di coalicion, ainda no tin ningun indicacion di un plan di maneho pa e proximo cuater aña y tampoco por a ripara cu tin un plan di maneho concreto di e Minister di Husticia.

“Loke si mi por a tuma nota den area di husticia, mi no por haya algo concreto kico Minister di Husticia su maneho ta bay bira y unico cos concreto cu por a tuma nota di dje, ta cu Minister kier bin c’un helicopter.

Riba su mes ta algo ‘great’ si Minister kier bin cu helicopter y si en berdad finansa publico tin suficiente placa pa esaki, anto trece tres helicopter pero manera e situacion ta, caminda gobierno ta bisa cu no tin placa, no por cuminsa cu helicopter.

Durante di campaña mi persona a bisa na varios ocasion cu mi ta na fabor di introduci ‘drones’ ya cu e ta costa menos placa, por ta mas efectivo tambe y unico cos ta cu e no por transporta hende.

Placa ta esencial y si kier tene cuenta cu e punto aki, anto mi no por compronde e zet di Minister di Husticia pa insisti di bin cu helicopter.

Otro cosnan concreto di kico a wordo logra den 100 dianan cu ta positivo, no tin hopi pero negativo si lamentablemente, ta hopi.

Den cuerpo policial na e momentonan aki, tin un division grandi,  y mi a traha basta aña den cuerpo y coleganan ta bisami cu loke mi a pasa aden anteriormente pa loke ta e dieptepunten, mi no a mira nada ainda, ya cu e situacion aki ta hopi pio, pues un sentimento hopi negativo den cuerpo policial.

Nos por mira un sindicato cu algun ta bisa el a wordo baha y miembro di directiva ta bisa cu nan no a baha y mester bin un reunion ainda, ta cosnan cu den un cuerpo policial no ta saludabel, ni den e korps y ni den sindicato y su miembronan.

Mi ta kere cu tin diferente asunto cu aworaki Minister mester pone realmente atencion na esakinan y mi ta papiando aki di cuerpo policial so pero corda cu husticia ta mas cu esey, ya cu tin brandweer, KIA, IASA y otro departamentonan pero na e momentonan aki tin crisis den un di esunnan cu ta mas crucial, cu ta e cuerpo policial.

Mester traha duro pa uni esaki bek y trece un vision, liderazgo, guia pasobra e trabou di cuerpo policial ta pa percura pa mantene ordo publico ora cu esaki bay for ordo y  restaura esaki, haci investigacion di casonan hudicial, haci detencion bou guia di Ministerio Publico.

E organisacion aki no por ta mucho bezig cu kende ta nan hefe, kico a pasa cu Minister,  kico a pasa cu sindicato, riba material pero nan mester ta concentra riba e motibo cu nan tey.

Prome di Maart a yega y ainda no sa kende lo bira hefe di polis, si ta un, dos of tres, ya cu no tin claridad riba esaki pero loke mi ta lamenta, mi ta spera cu Minister tene cuenta cu esaki, ta bo no por laga un Korpschef di tanto aña sali bay,  pone un hende nobo, si ta di den cuerpo mes of pafo, sin un traspaso corecto.

Mi ta haya esaki un ironia ya cu ta te dia di awe Minister mes ta bisa cu nan no a haya un traspaso corecto di Ministernan anterior, pero awor den cuerpo policial tambe bo tin mester di un traspaso corecto.

Mi ta kere cu mester laga e Korpschef   pa un periodo mas, regla esun nobo su procedura pa werving, selectie, screening y tur otro cos, scoge bo candidato, posicione, laga esun saliente pasa un periodo cu’ne, introduci su persona na partnernan local y internacional.

Nos mester corda cu Aruba den  region tin hopi bon nomber pero pa wanta e nomber aki na halto y sigui crece den esaki, mester bin cu bon traspaso, un bon introduccion.

Pero tambe aki na Aruba mes, ken cu bo ta traha cu’ne, cual ta casonan pendiente, kico ta e cosnan den bo organisacion cu mester di atencion na e momentonan aki.

No por ta asina cu ta laga un persona bay cu asina hopi conocemento cu e tin, pone un nobo y manera Minister mes a bisa pa un periodo di maximo un aña, pa despues bin cu esun definitivo.

Pues Minister ta creando un caos mas grandi den un caos cu ya ta existi y mi ta spera cu Minister por tene cuenta cu esaki y realmente percura pa korps cana  bon,” Parlamentario Robert Candelaria a declara.