fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister mester pidi despensa na na trahadornan di Trai Merdia pa su falso acusacion

Parlamentario drs. Mervin Wyatt-Ras ta lamenta cu diaranzon cu a pasa pa loke ta trata Traimerdia envez cu presidente di parlamento a yama un reunion publico ela yama un bijeenkomst. E diferencia grandi entre e reunionnan aki ta cu un bijeenkomst cu tin un karakter informativo tin un ronda so di pregunta di parlamentarionan y contesta di minister mientras cu den un reunion publico tin 2 ronda. Hasta tin oportunidad pa vraagpunten y cu por entrega mocionnan pa gobierno por cumpli cu nan. Pesey mes Wyatt-Ras ta haya cu presidente di parlamento ts porslief cu minister cu kier tuma medida riba trahadornan di Trai Merdia. Durante e reunion e minister a contesta mescos cu ya caba ta conoci. E no lo cambia su decision y lo sigui cu e cambionan cu e kier introduci. Den su contestanan na Staten e ta bisa cu no lo bai duna trahadornan di Trai Merdia mas ora. E ta considera cu Trai Merdia no ta un lugar pa “bijles”. 
Aunke diferente pregunta di parlamentarionan y su reaccion cu e no lo kita huiswerkbegeleiding, tog e kier bin cu otro trahadornan of pensionadonan pa haci esaki. Nada contra di pensionadonan y stagaires pero e grupo di muchanan di awendia a bira mas challenging pa handle cu nan y esnan cu traha cu nan mester upgrading.  Ta parse cu minister no ta reconoce ni ta tene cuenta cu esaki. Ademas e ta reacciona pa loke ta trata e aspecto di handelingsplan cu e no ta mira cu trahadornan di Trai Merdia por haci esaki. E ta trece padilanti cu nan lo yena informacion den e kindvolgsysteem. Segun Wyatt-Ras e minister ta sali for di e punto di bista cu tur mucha ta facil pa anda cu nan. E no a contesta e preocupacion di Wyatt-Ras pa loke ta trata muchanan cu ya caba ta bin cu un handelingsplan. Aki dor cu minister a baha e cantidad di centrumleidsters, e lidernan di grupo aunke nan kier  no por follow up paso nan no por sali even for di grupo paso ora e muchanan lo keda sin supervision. 
Wyatt-Ras hunto cu su coleganan a pidi minister den ambos bijeenkomst pa bai sinta na mesa cu trahadornan. Lider di fraccion di Avp den nomber di fraktie a presenta un carta na final pa stop tur cos. No por ta asina cu ya skol ta bai sera y ta introduci cambio den e schooljaar cu ta bai cuminsa ya caba na augustus. Ta manda e lidernan pa sigui studia pero no ta ni cla con, ki tempo y pago di estudio. Con un lider cu perde trabou por bai paga pa un estudio pa bira klasse assistent?  Si e por pidi un lening e lo ta laat caba pa haci esaki pa e anja escolar venidero. Wyatt-Ras y su fraccion a keda hopi desapunta di resultado di e reunion. Ta spera cu miembronan di coalicion cu a hiba palabra por mustra nan colega minister di mesun coalicion nan mal contento. Paso finalmente ta nos muchanan y mayornan mas den necesidad cu ya caba ta lucha sin sosten y cu costo di bida mas halto lo tin cu cuminsa laganan yuinan na cas ora nan ta traha mescos cu promer cu anja 1995. 
Netamente pa esey Trai Merdia a ser institui pa sostene mayornan cu acojida, cuido, formacion y pa sosten e carera escolar di nan yiu. Envez di bai padilanti nos lo bai patras y hasta den crisis social si minister sigui cu su plan. Ademas minister mester tene cuenta cu MDC cu a entrega un manifesto e mesun dia di reunion. Ademas e preocupacion encuanto SPO. Minister ademas di tur cos mester pidi despensa na e trahadornan pa acusa nan di ta conspira cu sindicato y politica. Ela menciona cartanan cu mesun lettertype. Pa esey ela haci comparacion di su trabou den comision di Berdad unda a acusa un politico cu awe e mes como minister a skohe pa goberna hunto cun’e. Den e caso aki di fondo desaroyo san nicolaas exmes a acusa si colega di partido Otmar Oduber. Segun Wyatt-Ras pa susha e lidernan di Trai Merdia di e forma ali bo mester tin prueba y no ofende.
E minister aki mester asumi su responsabilidad y no busca excusa pa susha hende inocente cu ta lucha pa nan trabou y nan pida pan di cada dia. Pues e mester pidi nan despensa.