fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister demisionario no kier carga responsabilidad pa medidanan den cuido

Durante conferencia di prensa di fraccion di AVP, Parlamentario, drs. Mervin Wyatt-Ras a trece su preocupacion padilanti pa loke ta trata medidanan cu ta y lo keda introduci den cuido di salud. Diabierna benidero, dia 23 di juli 2021, aunke laat, lo trata presupuesto di anja 2021 di pais Aruba den Parlamento. Probablemente lo corta 60 miyon den e parti di cuido. 

Wyatt-Ras y su coleganan a tuma nota di un raport di mei 2021 titula “zorg voor onze zorg” of cuido di nos cuido mei 2021. Den e rapport ta indica diferente medida, cu ta lo afecta nos pueblo te den su curason y higra. Ta ser menciona introduccion di sugar tax, cual lo bai afecta netamente nos ciudadanonan di menos recurso.

Tambe ta menciona un “eigenbijdrage” na spoedeisende Hulp (SEH) na momento cu un persona presenta na SEH y por constata cu e por a bai dokter di cas cu e keho aki. Den e caso aki e pashent lo mester paga 100 florin pa e wordo trata. Ademas ta menciona un “solidariteitsbelasting”. 

Den e rapport ta conseha alabes pa introduci un “eigen risico” pa esnan cu tin malesanan chronico. Esaki ta ensera discriminacion di nos hendenan. Wyatt-Ras no ta kere cu esaki lo duna su frutonan. Segun Wyatt-Ras ta necesario programanan preventivo informativo y sinja biba na un otro manera segun un “healthy lifestyle” y baha e prijs di fruta y berdura pa nos hendenan por come mas saludable na prijs pagabel. 

Reduccion di salario di trahadonan di hospital tambe ta den tapara manera por a compronde. No ta tende nada di e sindicato di trahadornan di hospital tocante di e punto aki, kizas lo bin otro palabracionnan cu hospital. Wyatt-Ras no ta haya husto pa netamente esnan cu ta traha den hospital cu den tempo di pandemia a traha asina duro durante oranan largo pa atende tur pashent na un forma cualitativo tin cu ricibi tal trato. E ta un bofta den nan cara.  Esaki mientras cu otro paisnan ta duna un bonus na trahadornan den hospital y stakeholders di salubridad. 

Un otro medida cu ta ser menciona ta esun pa loke ta trata nos grandinan. Lo bai haci un calculacion di anja di bida cu ta keda di nos grandinan pa por duna nan un tratamento. Esaki ta un forma inhusto pa trata nos grandinan. 

Banda di e rapport aki cu a ser entrega na gobierno tin e gobierno five wave model di AZV pa tuma medidanan den cuido. 

Contrario na e informacionnan aki Wyatt-Ras a skucha un entrevista cu e minister presidente demisionario, sra. Evelyn Wever-Croes, cu diripente ta trece padilanti comosifuera cu e ta bai haci un plegaria na Hulanda pa no laga Aruba corta 60 miyon den cuido. Esaki ta un cambio drastico di su forma di trece e asunto padilanti paso durante debatenan promer cu eleccion por a skuch’e trece padilanti cu hopi fervor cu e  landspaketten ta un hecho y ta un realidad y no por touch nan y cu mester ehecuta nan. Hunto cu n’e por a skucha e otro lidernan di partido trece padilanti cu nan lo ehecuta e landspakketten. Un excepcion ta lider di AVP, kende na varios ocasion a trece padilanti cu lo tin cu bai bek na mesa cu Hulanda y renegosha .

E ministro presidente demisionario a firma e landspakketnan cu Hulanda sin consulta ni cu gremionan syndical ni gremionan comercial y nos a haya nos mes cu un “voldongen feit”. Na e momento aki e ministro Presidente demisionario ta purba strooi santo den wowo di pueblo cu awor e ta bai haci un plegaria serca Hulanda, mientras cu ya caba el a a firma e landspakketnan. Tur hende a haya sa cu ta e mes a firma e paketenan di medida na momento cu stakeholders cu a manda carta pa  minister Knops pa desaproba e medidanan y a haya di e minister Hulandes como contesta cu Aruba mes a dicidi unda ta tuma e medidanan aki y no ta Hulanda ta dicidi den cual sector ta tuma e medidanan aki. Ta gobierno di Aruba a tuma e decision aki di corta den cuido. Pesey e Minister presidente demisionario mester asumi su responsabilidad cu el a tuma e medidanan aki. 

Un otro medida cu nos pueblo a ser confronta cun’e na maart di e anja aki ta esun di e lista positivo di remedinan di cual a kita un cantidad di remedi y haci e lista mas corto. Nos pueblo mester a paga pa e medicinanan cu no ta cai bou di e lista aki mas. A ripara hopi confusion, lamento, disgusto y rabia den nos pueblo cu no tabata di acuerdo cu e cambio aki. Esnan cu no por a paga pa e medicinanan aki a keda sin cumpra nan cu tur consecuencianan fatal pa nan salud. Dado momento den campanja politico gobierno a ripara esaki a core hala e medida aki aden. Por constata un biaha mas cu e minister presidente demisionario tampoco tin pensa di carga responsabilidad pa e medida aki. Den un entrevista e ta papia di un tipo di “vangnet di asistencia social pa yuda esnan cu no por paga nan medicina paso nan no tin trabou of entrada. 

Leave a Reply

Your email address will not be published. Required fields are marked *