fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister Dangui Oduber mester ta mas acesible y responsabel den e asunto di hospital
Diahuebs dia 26 di september 2019 tabatin un encuentro den Parlamento cu presencia di director Cilie y miembronan di Raad di Hospital v/d Berg,  Zeppenfelt y Goeloe alavez representantenan di SOGA & AIB,  Hodge, Giel y Simon. E tema di e encuentro tabata e situacion peligroso pa loke ta trata trabounan rond di renovacion y ampliacion di hospital y exigencianan di calidad pa un hospital di calidad. Esaki despues cu hospital a yena cu awa dor di “fayo” di afvoer di tuberia. Den prensa a ser bisa cu esaki ta debi na falta di mantencion y aki no ta cla ta ken su responsabilidad esaki ta sea di Hospital of di SOGA.Segun Wyatt-Ras ta stranjo cu Presidente di Parlamento ta invita tur e instancianan urgente pa splica kico ta pasa na hospital, mientras cu ora Wyatt-Ras como parlamentario, hasta recientemente, puntra minister Dangui Oduber por escrito over di  “stand van zaken” di hospital e minister manera semper no t(a) contesta ni ora manda reminder p’e. Aki si e Presidente no ta yam’e pa duna cuenta na Parlamento. Den e invitacion pa e reunion no ta indica tampoco ta ken a pidi e reunion. Normalmente ta parlamentarionan ta pidi pa skucha instancianan. Ta parse cu ta e minister a pone Presidente yama e reunion aki pa e por haya informacion, dor cu e no tin contacto cu stakeholders. Presidente di Parlamento mester a yama e mes como minister di Salubridad Oduber pa duna cuenta na Parlamento. E ta esun cu mester tin contacto cu e entidadnan pa e por splica kico ta pasando. Pero via di e presidente e ta uza Parlamentarionan pa haci pregunta pa e minister por haya informacion y argumento pa ataca e entidadnan cu no ta cai na su agrado.Tempo e tabata parlamentario e actual minister tabata yora y grita den Parlamento y no tabata kier e contratista OHL-Arellano cu a ser escohi ni tabata di acuerdo cu e proceso di bidding di SOGA. Ni cuanto splicasion a ser duna e tempo ey den reunionnan cu e no tabata presencia encuanto e sistema di scoring y escohencia, e minister aki tempo e tabata parlamentario a bisa cu ora nan ta den gobierno elo a investiga. Sin embargo te dia di awe e no a investiga ni ela haci mucho pa loke ta trata hospital. Durante e contestanan na parlamentarionan a resulta cu e minister no ta duna oido den caso di Hospital y no tin su representante den Steering Committee cu ta ta reuni regularmente cu SOGA y e contratista. Esaki ta un un fayo grandi di e minister cu e no ta manda representante pa e ta na haltura di e proceso di construccion y pa comunica y asina influencia of coregi e proceso di construccion. E gran ausente den e picture pues ta e minister. Aki por mira claramente cu e mandatario no ta tuma rienda di su cartera, ni a sondea, ni participa, corda investiga. Por cierto por tende den medionan di comunicacion menasa di e minister cu “If you can’t stand the heat get out of the kitchen” y ta anuncia cu awor lo bai haci un investigacion forensico. Ta sumamente lamentable cu e minister aki no tabatin mucho interes pa loke ta pasa den hospital y cu awor cu a surgi discucion e ta core menasa cu e lo investiga envez cu ela sinta na mesa cu e diferente partidonan den bienestar di e patient y pueblo di Aruba. E minister aki cu a keda pega den su rol di parlamentario di grita den parlamento no por los su mes di esaki pa e sinta na mesa cu e partners den construccion den bienestar di nos pueblo. Aruba merece mihor. Aruba merece su hospital drecha. Aruba merece un mihor minister cu ta skucha tur banda pa yega na otro y sigui padilanti pa salvaguardia placa di pueblo. Ta inacceptable cu e minister aki mes ta hinca su mes den e “blame game”, esta e wega di culpa otro. Wyatt-Ras ta spera cu e minister lo ta mas envolvi den e desaroyo di hospital.

Mescos cu Parlamento mester a pone minister di Salubridad bai sinta na mesa cu dokternan y specialistanan den mundo medico tocante ehecucion di e ley di AruBIG, awor lo mester mand’e bai sinta na mesa cu Hospital, SOGA y contratistanan.Pueblo a haya necesario pa drecha nos hospital y di parti di gobierno mester traha mas duro pa haci esaki posibel.Si tin diferencia di opinion mester sinta na mesa y discuti esakinan pa yega na solucion y sigui traha paso e interes di mas importante lo mester ser salvaguardia, cual ta interes di nos patientnan y nos pueblo.