fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Den e dianan aki Lotto pa deporte ta hopi den bocanan di parlamentarionan di MEP y nan Minister di deporte sr. Oduber. Remarcabel ta e hecho cu ta persisti pa kibra e forma con e organisacion ta trahando pasobra netamente awo si tin structura y bo sa unda e placa ta bay.

Den tempo di MEP e no ta un secreto con lotto pa deporte tawata wordo maneha. Si bo tuma ehempel di e ex-director di lotto pa deporte awendia parlamentario Croes no tawata tin ni un idea con pa maneha tanto fondo asina.
Na un dado momento rapportnan di accountantnan a hasta confirma cu e tawata maluza fondonan di lotto pa su fin personal. Banda di esey e politica di friends and family tawata hunga un rol crucial den lotto, ya cu su mesun ruman a wordo beneficia. E beneficio na su ruman tawata sumanan cuantioso di miyones di florin cu e ruman tawata colecta facilmente. Proceduranan no tawata wordo sigui y reglanan di maneho financiero tawata wordo viola. Na cabes bo tawatin un persona sin ningun conocimento di finansas y ley. Cu otro palabra maneha pa un hende cu coco bashi.
Asina Lotto pa deporte tawata sufri y hiba perdida tur aña pasobra hendenan di MEP tawata plunder e! Ta peseyun biaha mas minister Oduber kier trata na disolve e sistema di traha actual di lotto pa por re-activa e politica di friends and family cu a hiba lotto pa perdicion.

Un persona cu hues a rechasa tur su demanda nan pa motibo cu a wordo comproba cu a haci mal uzo di su posicion kier punta dede ariba hende inocente y lubidando cu tin 4 dede den su direccion cu defacto a comproba cu e 4 sentencia contra dje pa su actonan bochornoso den lotto pa deporte. Den casacion tambe bo a perde bo caso

Sr Tromp ta sinti’e pa recorda e persona aki cu bo no mester lubida bo actonan y cu a culmina den un capitulo cu hamas pueblo lo sa di lubida tur locual cu su persona a haci
fresco den mi memoria lesando su contesta nan na Ernst & Young con e credit card di lotto tabata wordo ronca pa uzo nan personal cu biahenan compra di mueblenan etc etc etc

Un sugerencia ta na Sr. Croes miho bo cera bo boca pasa pa bobo pa niun hende no ripara con estupido bo por ta pero no purba di atacha hende drechi paso bo storia di probechador y sinberguensa ta bon warda y na cualkier momento lo mi publica nan cu cifra pa pueblo sa ta Ken nan a sostene y no bruha appel cu peer y awe ainda bo kier ranca 1.4 miyon florin for di Ernst & Young bao di un pretexto cu bo no ta comprende entre caso sumario y e caso penal cu bo a scapa di dje esta caso penal,” Melvin Tromp vocero di AVP ta declara.

Leave a Reply

Your email address will not be published. Required fields are marked *