fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Lider di AVP Mike Eman a reacciona riba declaracion di Prome Minister Evelyne Wever Croes, kende a anuncia cu medida contra pueblo ta inevitabel dentro di algun siman.
Ex Minister Presidente Eman a mustra cu ta un dia tristo, pasobra cu despues cu e pais tabata canando den un rumbo positivo, bahando deficit riba presupuesto sin cu mester a tuma medida contra pueblo, awor un gobierno cu no ta prepara, cu no a haci un esfuerso pa busca un otro salida cu no ta di medida contra pueblo, ta determina pa castiga pueblo pa cumpli cu nan deseo di goberna sin vision y sin plan.
“Nos pais tabata canando den un rumbo positivo, caminda cada aña nos tabata bahando deficit di pais Aruba, sin cu nos a pasa un peso riba nos conciudadanonan, pero enfocando riba reformacion di puntonan hopi pisa riba preuspuesto di pais Aruba, manera e fondo di pensioen di APFA, manera e fondo di AOV y tmbe aZV.
Tumando pasonan necesario pa controla gasto y na mes momento empuhando nos economia cu inversionnan cu tabata crea trabou y ta crea entrada indirectamente pa Gobierno manera cu economia wordo activa.
Nos a evita di pone pesonan asina riba nos conciudadanonan, al contrario unda cu nos tabata por nos a bay reduciendo e pesonan aki caminda nos a introduci un reduccion di BBO di 1.5% y tambe na momento cu nos a mira cu e poder di compra di nos conciudadanonan tabata wordo afecta dor di e BBO di e gobierno anterior, nos a bin cu ‘reparatietoeslag’ pasobra cu nos kier a drecha y mehora e poder di compra di nos conciudadanonan.

Asina nos a introduci e ‘reparatietoeslag,’ aumento di sueldo minimo, aumento di bijstand cu 25%, introduccion di ‘schoolkindertoeslag’ pa tur mucha den famianan riba un bijstand, prome e tabata 100 florin y despues 200 florin.


Na final di nos gobernacion un mama soltero cu dos yiu kende tabata ricibi 605 florin bou gobierno di MEP y a bin ricibi 1175 florin cu gobierno di AVP cu ta dobel di loke e tabata ricibi den pasado.
Ora cu nos a mira e posibilidad tambe basa tambe riba nos maneho di hiba un WEB y un Elmar riba un nivel mas eficiente posibel, nos a logra na reduci e prijs di awa y electricidad cu 15% y semper nos a duna pueblo e reduccion di prijs di gasolin ora cu el wordo reduci riba mercado mundial y ningun dia nos a haci loke nos ta mira ta pasando awor, caminda e prijs ta baha riba mercado internacional y gobierno ta coy e placa aki den caha di gobierno y no pasa e reduccion pa pueblo.
Nos ta lamenta esaki pasobra cu nos a bay eleccion caminda cu tur cartanan mester a wordo poni riba mesa pa pueblo, y den e campaña aki partido MEP a bisa pueblo Arubiano, cu nan ta bay baha edad di pensioen cual partido AVP mester a subi pa motibo di e fondo manera nos a haya esaki despues cu gobierno di MEP cu nunca a traha riba ningun reforma pa fortifica e posicion di AOV, nos a haya nos mes obliga di tuma cantidad di reforma.

Prome nos a individualisa e prima, nos a cambia e ‘grondslag’, nos a cambia e ‘grens’ pa despues APFA mescos mester a bay di ‘eindloon’ pa ‘middelloon’ pa ‘franchise’ y aumenta e edad tambe.
Den campaña MEP a bisa cu nan ta bay baha edad di pensioen bek na 60 aña pero awor esey ta resulta un mentira y tambe nan a bisa den campaña cu nan ta bay maneha finansa publico, e debe y tur deficit di pais Aruba, sin tuma medida.

Awe nos ta mira cu medida pisa a wordo anuncia cu ta bay afecta atrobe mescos cu den pasado, e hende humilde, e hende cu no ta gosa di un bon entrada, pero atrobe generacion lo bin y generacion lo bay pero den pueblo lo bay keda biba pa semper con gobiernonan di MEP a atende su pueblo tur momento cu el a drenta den gobierno, esta cu medida sin piedad.
Partido MEP semper a goberna cu medida, y tur medida feroz cu Aruba conoce den su historia, desde Status Aparte bin te awe, tin signatura di partido MEP.
Esunnan cu a biba na inicio di Status Aparte conoce e 8.2% cuy partido MEP a impone riba henter pueblo, nan conoce e 7 3/4% cu partido MEP a impone riba henter nos pueblo y esunnan cu a biba na añanan inicio 90, ta corda e aumento di 5% di invoerrechten caminda cruelmente di un dia pa otro, sr Oduber a bin y anuncia cu tur cos cu ta paga invoerrechten, lo aumenta cu 5% caminda loke tabata paga 12 a bira 17, algo cu tabata paga 17 a bira 22 y algo cu tabata 22 a bira 27.
Tur e medidanan aki tin e signatura y e stempel y nomber di partido MEP riba dje y nos a kere cu e partido aki a kere cu el a siña di e daño cu el a causa na pais Aruba semper cu el a introduci medida, nos a kere cu e biaha aki lo ta diferente pero awor ta mustra cu simplemente esaki no ta posibel,” lider di partido AVP, sr Mike Eman a declara.