fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Medida riba topinkomens lo trickle down bahando tur salario

Tur empresa y instituto cu lo cai bao di e ley “Normering Topinkomens” a expresa cu nan no tin duda cu efecto di reduccion di salario lo “trickle down” y baha tur salario. Esaki basa riba e logica cu ora baha di un y e yega mas serca of bao di esun cu ta cai bao di dje e situacion aki lo mester worde corrigi. E coreccion lo ta pa baha di e sguiente den e structura y asina e efecto lo sigui bai te na e ultimo den e structura salarial, manera nan ta yame e “salarishuis” of e “loonstructuur”. Tur ta bin abao. 

Lider di AVP mr. Mike Eman ta bisa cu no ta Raad van Advies y e empresanan y institutonan so ta bisa cu e efecto lo “trickle down”. Den su comentario riba Raad van Advies su ponencia cu e ley aki lo afecta henter e structura di salario e propio Gabinete Wever Croes ta bisa cu e ta verwacht esaki. Gabinete Wever Croes ta contesta Raad van Advies cu e ley mes no lo baha tur salario, pero su efecto si lo causa e reduccion aki.

Mr. Mike Eman ta cita locual Gabinete Wever Croes mes ta bisa: “De normering van de topsalaris binnen de verschillende entiteiten zal mijn inziens uiteindelijk WEL moeten leiden tot een herziening van de totale loonstructuren in die ondernemingen”. 

Raad van Advies ta adverti cu e ley aki no ta bon studia. ATA ta teme pa su efectonan riba nan capacidad profesional cu ta asina necesario pa mercadia turismo di Aruba. Banco Central ta bisa cu e ley lo fractura henter e structura di salario di e instituto monetario crucial aki pa stabilidad finaciero-economico di Aruba. Aeropuerto ta adverti pa danjo grandi pa henter Aruba. E mesun preocupacionnan aki nos a tende di WEB, Elmar y SETAR, pero Gabinete Wever Croes ta sigui riba rumbo desastroso aki. E lider di fraccion di AVP, mr. Mike Eman ta bisa cu nan fraccion ta haci nan parti, pero finalmente donjonan di curpa lo mester tuma postura pa laga Gabinete Wever Croes y e Coalicion MEP-RAIZ sa kico nan posicion final ta. Unavez cu e ley pasa e bala lo cuminsa lora na desbentaha di tur empleadonan, mr. Mike Eman ta teme.   

Leave a Reply

Your email address will not be published. Required fields are marked *