ORANJESTAD- Mescos cu tur otro candidato riba listanan politico, lider di partido AVP Mike Eman tambe a sali e weekend aki pa bishita cas. Durante e bishitanan aki e ta splica e habitantenan kico su gobierno a haci caba – loke tur hende por nota tur rond di e isla –  y kico tur falta ainda. Pa loke falta ainda Eman ta pidi e ciudadanonan un voto di confiansa pa e por sigui goberna pa e periodo di 4 aña mas. E recepcion tabata bon unda cu e hunto cu su team a yega.

Riba diadomingo Eman a bishita casnan den e barionan di Companashi y Noord. Na e casnan cu el a bishita bandernan di AVP a bay laira mesora convirtiendo e luga den un bunita panorama berde. E por ta sigur di e voto di confiansa, asina a wordo bisa na ne, pa di e forma aki su Gabinete por sigui y termina cu e trabou grandi cu a cuminsa cu ne den tur skina di Aruba. Scol, bario, centronan di ciudad, museo, edificionan gubernamental, monumentonan y infrasctuctura ta wordo restaura, pero ainda falta. Durante di un siguiente gobernacion ta caba cu e trabounan cu a cuminsa cu nan.

E confiansa tey, expectativanan ta halto y partido AVP mustrando su forsa berde un bes mas.