fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

E color cu un persona ta wordo bendiciona cune no ta ningun motibo tampoco ta duna otro e derecho di categorisa e persona y compar’e como un macaco. Loke si esaki ta ilustra ta e forma di pensa di fraccion di MEP y cu awendia ta sconde tras di dichonan pa por vocifera nan mentalidad racista.
Algun dia pasa parlamentario Endy Croes a haya ta bon pa categorisa ex-minister di husticia sr. Dowers como un macaco. Den un discurso totalmente for di sla y cu vocabulario di baho nivel el a expresa su pensamento scondi cu awendia pa pueblo ta cla. Ta net dos dia pasa mi a elabora riba e violacion di derechonan humano di parti di partido MEP ora di persigui hende y purba na censura prensa. E expresionnan haci door di Endy sigur tambe ta cay bou di e categoria di discrimina un persona pa su rasa y color y ta empugna cu articulo 1 di capitulo 1 di nos constitucion. No tawata tin ningun parlamentario cu a para pa lo corecto y coregi su persona cu como representante di pueblo bo no ta supose di comporta bo mes asina.

Awor si nos kier compara un persona cu otro no mester lubida cu e mesun parlamentario Endy Croes aki man geboei a wordo hiba cera. E mesun parlamentario aki a perde su caso den corte como director di lotto pa deporte y tur beneficio pa su actonan coruptivo y contra di reglanan di administracion.
Ta e mesun parlamentario aki tin un mancha scur riba su cabes pa beneficia su ruman cu mas di 5 miyon florin di pueblo enrikeciendo su ruman. Kisas e palabra ladron no por wordo usa akinan pasobra no a dicidi di persigui penalmente pero por uza e palabra sinberguensa si! Bo no por yama ex-minister di husticia cu ta un persona cu dos titulo y nivel di integridad halto pa un macaco y bo mes no ta un punta di ehempel! Pueblo por wak bon y analisa kico mi ta skirbi mi no ta discrimina pero si mi ta referiendo na echonan concreto di sinberguenseria cu Endy Croes a haci y awe e kier hunga e rol di ta ehemplar y kier discrimina otro?

Pero e expresionnan aki di Endy Croes ta confirma un biaha mas cu den contexto di tin e ser humano central ta viola su derechonan. Den contexto di respeta e persona pa su color y rasa ta opta pa desacredit’e y compar’e cu un macaco pa despues bisa cu no ta discriminacion. Discriminacion ta un acto hopi condenabel y no lo mester wordo acepta door di ningun hende menos di un parlamentario cu ta representante di pueblo cu mester sa con pa comporta su mes y sa su leynan.

Leave a Reply

Your email address will not be published. Required fields are marked *