fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Incertidumbre y falta di dialogo di parti Minister Rudy Lampe

Dialuna mainta a tuma luga un reunion den sala di Parlamento cu e topico “Tra’i Merdia”. Minister di Enseñansa, dr. Rudy Lampe tabata presente pa scucha e Parlamentarionan. Di fraccion di AVP, drs. Mervin Wyatt Ras a duna di conoce cu esaki no ta prome biaha cu e ta dirigi pregunta na e Minister y no ta haya contesta.

Parlamentario Wyatt-Ras a enfatisa cu e asunto aki ta bin di cuminsamento di aña, caminda cu a dirigi varios pregunta na e Minister y sin haya ningun contesta. Mervin Wyatt Ras a menciona tambe cu a sinta cu e lidernan di e centronan pa haya mas inofrmacion, caminda cu varios pregunta adicional a bin dilanti di nan parti. E preguntanan aki a bin por escrito y di nan banda a manda esakinan pa e Minister concerni pero tambe envano. 

Den bista di e Parlamentario, esaki no ta forma di traha, a sigui haci esfuerso, a bolbe manda tur pregunta, su colega Ricardo Croes di su banda tambe a ripiti e preguntanan aki na Minister. Di parti Fraccion di AVP a bin cu preguntanan adicional pero ta premira caba cu lo tin cu bay den un reunion publico pa haya un contesta for di Minister.

Lidernan di e centronan a informa cu tin diferente cambio. Di parti di Minister a bin afo awo cu e tin un vision caminda muchanan despues di orario di scol mester por tin ora di recreo, ora liber, sin fortifica un parti importante cu ta “huiswerk”. Mayornan, profesionalnan, comunidad en general cu ta traha oranan largo, pero en especial e mayornan di menos recurso cu no tin forma pa paga bijles of cu no ta presente na cas pa motibo di orarionan laat. Tur ta haya sosten di Tra’i Merdia pa haya yudansa di huiswerk pa nan yiunan. 

Parlamentario Mervin Wyatt Ras a sigui bisa cu, biniendo di e ramo social, cu e sa di e gran aporte cu Tra’i Merdia ta brinda y cu na varios ocacion a manda muchanan na centronan di Tra’i Merdia y a nota e efecto positivo cu el a trece cune. No solamente e structura pero e guia cu huiswerk cu ta brinda, cu awo e Minister kier elimina por completo. 

Ta na su luga pa Minister Lampe sinta cu lidernan di e centronan, cu ta corectamente informa di kico ta come y bebe di e tematica, prome cu tuma cualkier desicion. Mirando cu e ta sugeri un cambio, lo ta bon pa scucha prome cu bin cu cualkier cambio abrupto. 

Posicion huridico ta hopi importante den e incertidumbre aki. Trahadonan no ta trankil mirando sierto desicion sin sikiera consulta cu nan. Mirando tambe intencion di e Minister den futuro sercano di baha orario di e trahadonan di 30 ora pa 20 ora, cu lo trece cune cu e trahadonan lo haya menos pago, ta inaseptabel ! 

Por a tuma nota tambe cu e diferente fraccionnan ta di acuerdo cu mester yega na un miho splicacion. Mervin Wyatt Ras a remarca cu Minister Lampe a kita varios lider caba for di varios posicion, a elimina algun di e centronan, lagando e centronan cu menos personal y tur esakinan perhudicando tur envolvi. Ta un necesidad den comunidad, tin cu salvaguardia derecho di nos muchanan, teniendo na cuenta cu si tin un of otro mucha cu tin problema, e trahadonan aki di Trai Merdia por/ta na altura di e problemanan y nan tey pa brinda e asistencia y guia necesario.

FIN