fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Na Aruba ta tumando lugar actualmente reunionnan di IPKO unda e 4 parlamentonan den Reino ta discuti hunto temanan comun di importancia y tambe comparti experiencia cu otro. Despues di e prome dia Richard Arends, miembro di Staten di partido AVP a comenta lo siguiente riba e conferencia aki y riba e puntonan di agenda.

Arends: “E puntonan cu nos ta discuti riba nan ta entre otro SDG”s (Small Island Development States), energia y medio ambiente como tambe desaroyonan den nos region. SDG’s a core manera un liña cora den e maneho di gobierno durante e ultimo añanan unda Aruba a compromete su mes na e 17 metanan di desaroyo sostenibel proponi pa Nacionnan Uni. Aruba a adopta e metanan aki y a fiha su maneho riba nan.” Richard Arends a bisa di ta contento cu e metanan aki ta riba agenda di IPKO ya cu nan ta sumamente importante pa paisnan isleño cu ta den desaroyo. No solamente Aruba, pero Hulanda tambe a pone como prioridad halto pa cumpli cu e 17 metanan stipula aki. “Discusionnan riba tereno di medio ambiente y energia tambe ta wordo hiba den IPKO teniendo cuenta cu islanan chikito den desaroyo tin retonan continuo pa loke ta trata nan suministracion di energia y con usa esaki mas eficiente. Tambe e islanan aki tin factornan externo, manera climatico, pa tene cuenta cu nan.

https://www.facebook.com/richardarendsavp/videos/358907371240364/

E delegacion di St. Maarten tabatin un demostracion di e efectonan devastador di horcan Irma, indicando con vulnerabel nos ta como islanan chikito. “Un otro punto cu ta discuti ta esun di energia y desaroyonan den e region aki, manera esnan politico cu ta wordo vigila di cerca door di Hulanda pa loke ta trata Venezuela. Hulanda tin masha atencion pa e desaroyonan den nos pais bisiña.” Arends a splica cu relacionnan exterior ta competencia di Reino y ta cay bou su responsabilidad.

Leave a Reply

Your email address will not be published. Required fields are marked *